شی جن پنگ 30 اگست سے 3 ستمبر تک کرغزستان اور مصر کا دورہ کریں گے

چین کے صدر شی جن پنگ 30 اگست سے 3 ستمبر تک کرغزستان اور مصر کا سرکاری دورہ کریں گے، جہاں وہ شنگھائی تعاون تنظیم (ایس سی او) کے سربراہی اجلاس میں شرکت کے علاوہ دونوں ممالک کی قیادت سے اہم امور پر بات چیت کریں گے۔

چینی وزارت خارجہ کے ترجمان لن جیان نے بدھ کو معمول کی پریس بریفنگ میں بتایا کہ صدر شی جن پنگ کرغزستان کے دارالحکومت بشکیک میں ہونے والے ایس سی او سربراہ اجلاس میں شرکت کریں گے۔

انہوں نے کہا کہ اجلاس کے دوران چینی صدر شریک ممالک کے رہنماؤں کے ساتھ تعاون کو مزید گہرا کرنے اور اہم بین الاقوامی و علاقائی امور پر تبادلہ خیال کریں گے۔

دورے کے دوران شی جن پنگ اپنے کرغز ہم منصب صدر صادیر جاپاروف سے ملاقات کریں گے اور مختلف سرکاری تقریبات میں شرکت کریں گے۔

چینی صدر اس کے بعد مصر جائیں گے۔ یہ گزشتہ 10 برس میں مصر کا ان کا پہلا سرکاری دورہ ہوگا۔ وہ مصری صدر عبدالفتاح السیسی سے ملاقات میں دوطرفہ تعلقات اور باہمی دلچسپی کے علاقائی و عالمی امور پر تبادلہ خیال کریں گے۔