آرتھر فِلس نے فرانسس ٹیافو کو شکست دے کر اتوار کو اپنا پہلا اے ٹی پی ماسٹرز 1000 ٹائٹل جیت لیا، جبکہ کوکو گوف نے جیسیکا پیگولا کو ہرا کر سنسناٹی اوپن میں دوسری مرتبہ ٹائٹل اپنے نام کرلیا۔
21ویں سیڈ فِلس نے پہلے سیٹ میں 3-0 کی برتری حاصل کرتے ہوئے شاندار آغاز کیا اور 6-3 سے کامیابی حاصل کی۔ تاہم دوسرے سیٹ میں 17ویں سیڈ ٹیافو نے بھرپور واپسی کرتے ہوئے دو بار سروس بریک کی اور سیٹ 6-1 سے جیت کر مقابلہ فیصلہ کن مرحلے میں پہنچا دیا۔
تیسرے سیٹ میں فِلس نے دوبارہ گرفت مضبوط کی، دو بریک کے ساتھ 4-0 کی برتری حاصل کی اور بالآخر سیٹ 6-0 سے جیت کر ٹرافی اٹھالی۔ فِلس نے کہا کہ یہ کامیابی ان کے لیے بہت اہم ہے اور اس کے پیچھے طویل تربیت، محنت اور قربانیاں شامل ہیں۔
خواتین کے فائنل میں گوف نے عالمی نمبر تین پیگولا کو 6-2، 6-4 سے شکست دی۔
Comments