بائرن میونخ کے مڈ فیلڈر جمال موسیالا میں آن فیلڈ دو بار گرنے کے بعد اعصابی عارضے کی تشخیص

بائرن میونخ کے مڈفیلڈر جمال موسیالا نے کہا ہے کہ میچ کے دوران چار روز میں دوسری بار گرنے کے بعد ان میں اعصابی عارضے کی تشخیص ہوئی ہے۔

23 سالہ موسیالا بائرن کی ہائیڈن ہائم کے خلاف 4-2 کی دوستانہ میچ میں فتح کے دوران متبادل کھلاڑی کی حیثیت سے میدان میں اترنے کے چھ منٹ بعد گر گئے۔ انہیں طبی امداد فراہم کرنے کے بعد میدان سے باہر لے جایا گیا۔ اس سے قبل وہ ہفتے کو آر بی لائپزگ کے خلاف 3-1 کی فتح کے دوران بھی گر گئے تھے۔

موسیالا نے انسٹاگرام پر بتایا کہ ڈاکٹروں نے ان میں اعصابی خرابی کے باعث عارضی اور مختصر بے ہوشی کی تشخیص کی ہے، تاہم یہ قابل علاج ہے۔ ان کے مطابق ایسی کیفیت حالیہ واقعات کا سبب بن سکتی ہے۔

موسیالا بائرن نے کہا کہ بظاہر یہ صورتحال خوفناک لگ سکتی ہے، تاہم وہ بہترین طبی نگہداشت حاصل کر رہے ہیں اور پُرامید ہیں۔ ان کا کہنا تھا کہ ڈاکٹروں نے صحت کو لاحق مزید خطرات کو خارج کردیا ہے۔

بائرن کے لیے 231 میچ کھیلنے والے موسیالا گزشتہ سیزن ٹخنے کی انجری کے باعث چھ ماہ باہر رہے تھے، تاہم بعد میں صحت یاب ہوکر 2026 ورلڈ کپ میں جرمنی کی نمائندگی کی۔