ایچ بی ایل کا سندھ میں نیٹ ورک مزید وسیع، پرسٹیج بینکاری اور تجارتی خدمات کا دائرہ بڑھا دیا

پاکستان کے ممتاز مالیاتی ادارے ایچ بی ایل نے سکھر میں اپنی پہلی ایچ بی ایل پرسٹیج لاؤنج کا افتتاح کر کے سندھ میں اپنی موجودگی کو مزید مستحکم کرلیا جو کہ پورے نیٹ ورک میں بینک کا 60 واں ایچ بی ایل پرسٹیج لاؤنج ہے۔

نئے لاؤنج کے افتتاح کے بعد ایچ بی ایل پریسٹیج کی موجودگی 22 شہروں تک پھیل گئی ہے جن میں دبئی کے جمیرہ اور برطانیہ کے لندن میں قائم بین الاقوامی لاؤنجز بھی شامل ہیں۔ یہ توسیع صوبے بھر میں زیادہ مالیت کے حامل افراد کو عالمی معیار کی بینکاری سہولیات فراہم کرنے کے لیے ایچ بی ایل کے عزم کو مزید تقویت دیتی ہے۔

لاؤنج کا افتتاح ایچ بی ایل کے صدر اور چیف ایگزیکٹو آفیسر محمد نصیر سلیم نے کیا۔ تقریب میں ممتاز صارفین، اعلیٰ انتظامی قیادت اور دیگر معزز مہمانوں نے شرکت کی۔ اچی بی ایل پریسٹیج سکھر کے صارفین کو ذاتی نوعیت کے مالیاتی حل اور خصوصی بینکاری خدمات فراہم کرتا ہے جس کے ذریعے انہیں بینکاری کا ایک اعلیٰ اور منفرد تجربہ فراہم کیا جاتا ہے۔

ایچ بی ایل نے سندھ میں اپنا پہلا ٹریڈ بزنس سینٹر حیدرآباد میں بھی قائم کردیا ہے۔ یہ مرکز کمرشل اور ایس ایم ای صارفین کے لیے جامع تجارتی خدمات ایک ہی چھت تلے فراہم کرے گا جس سے کاروباری اداروں کو زیادہ سہولت اور ہموار بینکاری تجربہ میسر آئے گا۔