ڈالر کے مقابلے روپے کی قدر میں بہتری

انٹربینک مارکیٹ میں جمعہ کوبھی ڈالر کے مقابلے روپے کی قدر میں اضافے کا سلسلہ جاری رہا۔

اسٹیٹ بینک کے مطابق کاروبار کے اختتام پر ڈالر کے مقابلے میں روپیہ ایک پیسے کی بہتری سے 278.05 روپے پر بند ہوا۔

یاد رہے کہ جمعرات کو مقامی کرنسی 278.06 روپے پر بند ہوئی تھی۔

دریں اثنا جمعہ کو امریکی ڈالر کی قدر میں معمولی کمی دیکھی گئی لیکن یہ ہفتہ تقریباً بغیر کسی بڑی تبدیلی کے ختم ہونے کے قریب ہے کیونکہ سیف ہیون کے طور پر ڈالر میں ہونے والے اضافے کا اثر فیڈرل ریزرو کی جانب سے شرح سود میں اضافے کی کم ہوتی ہوئی توقعات سے زائل ہوگیا۔

جاپانی ین کے مقابلے میں ڈالر 162.36 پر جاپہنچا جو گزشتہ ہفتے چار دہائیوں کی بلند ترین سطح کے قریب ہے اور یہ ہفتہ وار بنیادوں پر 0.5 فیصد سے زائد اضافے کی راہ پر گامزن ہے۔

تاجر کئی ہفتوں سے انٹروینشن پر نظر رکھے ہوئے ہیں کیونکہ ین مسلسل 160 فی ڈالر سے نیچے جدوجہد کررہا ہے، اگرچہ جاپانی حکام کی جانب سے کرنسی کی خریداری کے ممکنہ نئے انداز نے یہ اندازہ لگانا مشکل بنادیا ہے کہ ایسی کوئی کارروائی کب ہو سکتی ہے۔

مزید برآں جمعہ کو ابتدائی تجارت میں تیل کی قیمتوں میں گراوٹ دیکھی گئی تاہم امریکہ اور ایران کے درمیان جاری کشیدگی کی وجہ سے یہ ہفتہ وار بنیادوں پر اضافے کی راہ پر گامزن رہیں۔