نیٹو اتحادی اہم دفاعی سازوسامان کے مشترکہ ذخائر قائم کریں گے، مارک روٹے

نیٹو کے سیکریٹری جنرل مارک روٹے نے منگل کو کہا ہے کہ نیٹو کے اتحادی ممالک اہم دفاعی سازوسامان کی مشترکہ خریداری، ذخیرہ، نقل و حمل اور انتظام کے لیے باہمی تعاون پر متفق ہیں۔

انقرہ میں دفاعی صنعت سے متعلق ایک فورم سے خطاب کرتے ہوئے مارک روٹے نے بتایا کہ اس مشترکہ اقدام میں بیلجیم، کینیڈا، ڈنمارک، فن لینڈ، یونان، اٹلی، لکسمبرگ، نیدرلینڈز، ناروے، اسپین، سویڈن اور ترکیہ شامل ہیں۔

انہوں نے کہا کہ اس اقدام کا مقصد دفاعی ضروریات کے لیے اہم مواد کی دستیابی کو یقینی بنانا اور اتحادی ممالک کے درمیان تعاون کو مزید مضبوط بنانا ہے۔