انگلینڈ کی ٹیسٹ کپتانی اعزاز کی بات ہوگی، ہیری بروک

ہیری بروک کا کہنا ہے کہ اگر پیشکش ہوئی تو انگلینڈ کی ٹیسٹ ٹیم کی قیادت کرنا ان کے لیے ایک بڑا اعزاز ہوگا اور وہ خود کو بیک وقت تینوں فارمیٹس میں کپتانی کے اہل سمجھتے ہیں۔

انگلینڈ کے موجودہ وائٹ بال کپتان ہیری بروک نے نیوزی لینڈ کے خلاف ہوم ٹیسٹ سیریز میں بین اسٹوکس کے ماتحت بطور نائب کپتان خدمات انجام دی تھیں۔بین اسٹوکس کی بین الاقوامی کرکٹ سے ریٹائرمنٹ کے بعد 27 سالہ بروک کو ٹیسٹ کپتانی کے لیے مضبوط امیدوار سمجھا جا رہا ہے۔ بروک کا کہنا ہے کہ انگلینڈ کا ٹیسٹ کپتان بننے کا موقع کوئی بھی نہیں گنوا سکتا کیونکہ یہ کھیل کا سب سے اعلیٰ مقام ہے، تاہم حتمی فیصلہ بورڈ حکام نے کرنا ہے۔

وہ فرنچائز کرکٹ نہیں کھیلتے، اس لیے وہ خود کو فٹ رکھ کر تینوں فارمیٹس کی کپتانی کا بوجھ سنبھال سکتے ہیں۔ بروک اب بدھ سے شروع ہونے والی بھارت کے خلاف پانچ میچوں کی ٹی ٹوئنٹی سیریز میں انگلینڈ الیون کی قیادت کریں گے۔