آسٹریلوی ٹیم میں نئے کھلاڑیوں کی شمولیت، ڈینیل بینی، بورجیس روڈریگز کو ورلڈ کپ اسکواڈ میں جگہ بنانے کا موقع مل گیا

آسٹریلوی کوچ ٹونی پوپووچ نے ورلڈ کپ اسکواڈ کی تشکیل کے لیے وسیع پیمانے پر انتخاب کا عمل شروع کرتے ہوئے نئے کھلاڑیوں ڈینیل بینی اور رافیل بورجس روڈریگز کو فلوریڈا میں جاری تربیتی کیمپ میں طلب کر لیا ہے۔

20 سالہ بینی انگلش کلب کوئنز پارک رینجرز، جبکہ 22 سالہ ونگر بورجس روڈریگز ویگن ایتھلیٹک کی نمائندگی کر رہے ہیں۔ یہ دونوں نوجوان کھلاڑی مارٹن بوائل اور ایور مابیل جیسے سینئر ونگرز کے مدمقابل ورلڈ کپ اسکواڈ میں جگہ بنانے کے لیے اپنی صلاحیتوں کا لوہا منوائیں گے۔

برطانیہ میں مقیم سات کھلاڑیوں سمیت مجموعی طور پر سات نئے ناموں کو ساراسوٹا کیمپ میں شامل کیا گیا ہے، جہاں کوچنگ اسٹاف ان کی کارکردگی کا جائزہ لینے کے بعد یکم جون تک حتمی 26 رکنی اسکواڈ کا اعلان کرے گا۔ دیگر کھلاڑیوں میں عزیز بہیچ، پیٹرک بیچ اور ایڈن ہرسٹک بھی شامل ہیں۔ آسٹریلیا کا ورلڈ کپ گروپ مرحلے میں مقابلہ ترکیہ، امریکہ اور پیراگوئے سے ہوگا، جو 11 جون سے 19 جولائی تک منعقد کیا جائے گا۔