ریئل سوسیڈاد نے پنالٹی شوٹ آؤٹ پر اٹلیٹیکو میڈرڈ کو 3-4 سے ہرا کر کوپا ڈیل رے جیت لی
- سوسیڈاد نے آخری بار 2021 میں یہ کپ جیتا تھا، جب 2020 کا تاخیری فائنل بھی سیویل کے لا کارٹوجا اسٹیڈیم میں کھیلا گیا تھا
اسپین کے شہر سیویل میں کھیلے گئے کوپا ڈیل رے کے فائنل میں رئیل سوسیڈاد نے ایٹلیٹیکو میڈرڈ کو پنالٹی شوٹ آؤٹ پر 3-4 سے ہرا کر چوتھی بار ٹائٹل اپنے نام کر لیا۔
مقررہ اور اضافی وقت تک مقابلہ 2-2 سے برابر رہنے کے بعد میچ کا فیصلہ پنالٹی ککس پر ہوا۔ سوسیڈاد کی فتح کے ہیرو گول کیپر اونائی ماریلو رہے، جنہوں نے ایٹلیٹیکو کے پہلے دو نشانے روک کر اپنی ٹیم کی جیت کی راہ ہموار کی۔
میچ کا آغاز نہایت ڈرامائی رہا جب سوسیڈاد کے بارینٹکسیا نے صرف 14 سیکنڈز میں گول کر کے سب کو حیران کر دیا۔ ایٹلیٹیکو کے ایڈیمولا لوک مین نے 19ویں منٹ میں مقابلہ برابر کیا، تاہم ہاف ٹائم سے قبل میکل اویارزابال نے پنالٹی کے ذریعے سوسیڈاد کو دوبارہ برتری دلا دی۔ کھیل ختم ہونے سے 7 منٹ قبل جولین الواریز کے شاندار گول نے میچ کو اضافی وقت میں پہنچا دیا۔
سوسیڈاد کے کوچ پیلیگرینو ماتارازو، جنہوں نے دسمبر میں چارج سنبھالنے کے بعد ٹیم کی کایا پلٹ دی، اس تاریخی کامیابی پر بے حد خوش نظر آئے۔ دوسری جانب ڈیگو سیمونی کی ٹیم اب چیمپئنز لیگ کے سیمی فائنل میں آرسنل کے خلاف اپنی قسمت آزمائے گی۔
Comments