نوید عابد خان نیشنل بینک کے چیئرمین مقرر، اسٹیٹ بینک نےمنظوری دے دی

نیشنل بینک آف پاکستان جو کہ پاکستان کا سب سے بڑا سرکاری بینک ہے نے اسٹیٹ بینک آف پاکستان سے ریگولیٹری منظوری ملنے کے بعد اپنے بورڈ کے کلیدی ارکان کی تقرری کا اعلان کردیا ہے۔

لسٹڈ بینک نے پیر کو اسٹاک ایکسچینج کو بھیجے گئے ایک نوٹس میں اس پیشرفت سے آگاہ کیا۔

نوٹس کے مطابق اسٹیٹ بینک نے وفاقی حکومت کے اس فیصلے کی منظوری دے دی ہے جس کے تحت نوید عابد خان کو نیشنل بینک کا چیئرمین اور نان ایگزیکٹو ڈائریکٹر مقرر کیا گیا ہے، اس کے برعکس نسیم احمد کو بینک کے بورڈ میں انڈیپنڈنٹ ڈائریکٹرکے طور پر مقرر کیا گیا ہے۔

یہ منظوریاں 6 اپریل 2026 کو دی گئیں جو بینکنگ سیکٹر میں بورڈ کی سطح پر تقرریوں سے متعلق ریگولیٹری تقاضوں کے عین مطابق ہیں۔

نوید اے خان 30 سال سے زائد کا وسیع تجربہ رکھتے ہیں۔

اپنے کیریئر کے دوران انہوں نے فیصل بینک لمیٹڈ کے صدر اور سی ای او، اے بی این ایمرو بینک پاکستان کے سی ای او، اوورسیز انویسٹرز چیمبرز آف کامرس اینڈ انڈسٹری کے صدر اور پاکستان بینکنگ ایسوسی ایشن کے چیئرمین کے طور پر خدمات انجام دی ہیں۔ اس کے علاوہ وہ فیصل ایسٹ مینجمنٹ لمیٹڈ کے بورڈ آف ڈائریکٹرز کے چیئرمین، روٹری کلب کراچی میٹروپولیٹن کے صدر، انسٹی ٹیوٹ آف بینکرز پاکستان کے نائب صدر اور انسٹی ٹیوٹ آف بینکرز کونسل کے رکن بھی رہ چکے ہیں۔

انہوں نے بینک آف امریکہ، پاکستان میں بھی اہم سینئر عہدوں پر خدمات انجام دی ہیں۔ اس کے علاوہ، وہ شرمین خان میموریل فاؤنڈیشن، نعمت کولیٹرل مینجمنٹ کمپنی، کراچی شپ یارڈ اینڈ انجینئرنگ ورکس، پاکستان مائیکرو فنانس انویسٹمنٹ کمپنی اور گیس اینڈ آئل کمپنی پاکستان کے بورڈز کا بھی حصہ ہیں۔