نیپال میں نوجوان قیادت کا اتحاد روایتی جماعتوں کیلئے بڑا چیلنج قرار
- ریپر سے میئر بننے والے بلندر شاہ نے پارلیمانی انتخابات سے قبل راشٹریہ سوتنترا پارٹی میں شمولیت اختیار کر لی
نیپال میں آئندہ سال مارچ میں ہونے والے پارلیمانی انتخابات سے قبل دو مقبول رہنماؤں نے اتحاد قائم کر لیا ہے، جسے گزشتہ تین دہائیوں سے ملکی سیاست پر حاوی روایتی جماعتوں کے لیے بڑا چیلنج قرار دیا جا رہا ہے۔
ریپر موسیقار سے کٹھمنڈو کے میئر بننے والے بلندر شاہ، المعروف بالن نے راشٹریہ سوتنترا پارٹی (آر ایس پی) میں شمولیت اختیار کر لی، جس کی قیادت سابق ٹی وی میزبان ربی لمچھانے کر رہے ہیں۔
معاہدے کے تحت اگر آر ایس پی 5 مارچ کے انتخابات جیت گئی تو 35 سالہ بالن وزیرِاعظم بنیں گے، جبکہ لمچھانے پارٹی سربراہ رہیں گے۔
دونوں رہنماؤں نے جین زی احتجاجوں کے دوران اٹھائے گئے بدعنوانی مخالف مطالبات پورے کرنے کا عزم ظاہر کیا ہے، جن کے نتیجے میں سابق وزیرِاعظم کے پی شرما اولیٰ کو استعفیٰ دینا پڑا تھا۔ تجزیہ کاروں کے مطابق یہ اتحاد نوجوان ووٹروں کو متحرک کرنے کی ایک مؤثر حکمتِ عملی ہے۔
Comments
Comments are closed.