فٹبال شائقین گروپ کا فیفا سے عالمی کپ کے ٹکٹوں کی فروخت روکنے کا مطالبہ

فٹبال سپورٹرز یورپ (ایف ایس ای) نے فیفا سے عالمی کپ 2026 کے لیے قومی ٹیم کے ٹکٹ الاٹمنٹ کی فروخت فوری طور پر روکنے کا مطالبہ کر دیا ہے، کیونکہ وہ قیمتوں کو ”بے حد مہنگا“ قرار دیتے ہیں جو عام شائقین کے لیے ٹورنامنٹ میں شرکت کو مشکل بنا رہی ہیں۔

ایف ایس ای کے مطابق قومی ٹیم کے حامی اگر پہلے گروپ میچ سے فائنل تک ٹکٹ خریدنا چاہیں تو انہیں کم از کم 6,900 ڈالر ادا کرنے ہوں گے، جو قطر 2022 کے مقابلے میں تقریباً پانچ گنا زیادہ ہے۔

مزید برآں سب سے کم قیمت کیٹگری (کیٹگری 4) سب سے وفادار حامیوں کے لیے دستیاب نہیں ہوگی اور عام عوام کے لیے متغیر قیمتوں پر فروخت کی جائے گی۔

ایف ایس ای نے کہا کہ اس سے ٹورنامنٹ کی اصل روح خطرے میں پڑ سکتی ہے، کیونکہ فیملیز اور عام شائقین اتنے بڑے اخراجات برداشت نہیں کر سکتے۔

گروپ نے فیفا سے کہا کہ وہ ٹکٹ فروخت روک کر شائقین، ممبر ایسوسی ایشنز اور دیگر اسٹیک ہولڈرز کے ساتھ مشاورت کرے ، تاکہ عالمی کپ کی روایت اور شمولیت کو برقرار رکھا جا سکے۔