دبئی ایئر شو میں تیجس طیارے کا کریش، بھارت کے لڑاکا طیارے کی برآمدی امیدوں کو شدید دھچکا

دبئی ایئر شو میں بھارت کے تیجس لڑاکا طیارے کے کریش نے ملکی دفاعی ٹیکنالوجی کی عالمی ساکھ کو دھچکا پہنچایا۔

کریش کی وجوہات فوری طور پر معلوم نہیں ہو سکیں، لیکن یہ واقعہ بھارت کے چار دہائیوں پر محیط ترقیاتی منصوبے پر سوالیہ نشان لگاگیا ۔

بھارت نے کریش میں ہلاک ہونے والے ونگ کمانڈر نمنش سیال کو خراج تحسین پیش کیا۔

ماہرین کے مطابق تیجس کی غیر ملکی مارکیٹ میں توسیع متاثر ہو سکتی ہے، تاہم بھارت کی فوجی خریداری طیارے کے مستقبل کو سہارا فراہم کرے گی۔

دبئی میں ایئر شو دنیا کے تیسرے بڑے ایئر شوز میں شامل ہے، جہاں حادثات کم ہی ہوتے ہیں

ٹیجس پروگرام 1980 کی دہائی میں شروع ہوا تاکہ پرانے سوویت میگ-21 طیاروں کو تبدیل کیا جا سکے۔

ہندوستان ایروسپیس لمیٹڈ کے پاس ملکی سطح پر 180 جدید ایم کے-ون اے ویرینٹ کے آرڈرز ہیں، لیکن جی ای انجن کی سپلائی مسائل کی وجہ سے ڈیلیوری شروع نہیں ہو سکی۔

ماہرین کے مطابق دبئی میں کریش نے فی الحال برآمدات کے امکانات محدود کر دیے ہیں۔

بھارتی فضائیہ کی تشویش طیاروں کے اسکواڈرن کی کمی کے حوالے سے ہے، جو منظور شدہ 42 کی بجائے 29 رہ گئے ہیں۔

بھارت فوری ضروریات کے لیے فرنچ رافیل طیاروں کی مزید خریداری پر غور کر رہا ہے، جبکہ مستقبل میں 5 ویں نسل کے ایف-35 اور روسی ایس یو-57 کے انتخاب پر بھی غور جاری ہے

تیجس پروگرام کی طویل مدتی اہمیت ممکنہ طور پر غیر ملکی فروخت میں نہیں بلکہ بھارت کے مستقبل کے لڑاکا طیاروں کے صنعتی اور تکنیکی بنیادی ڈھانچے میں ہے۔

ریجنل حریف ممالک بھارت اور پاکستان نے ایئر شو میں اپنی طاقت کا مظاہرہ کیا، جہاں تیجس نے متعدد فضائی مظاہرے کیے

پاکستان نے عبوری معاہدے کا اعلان کیا جس کے تحت چین کے ساتھ مشترکہ طور پر تیار شدہ جے ایف-17 تھنڈر بلاک تھری طیارے کی فراہمی کی جائیگی۔

پاکستان کے جے ایف-17 نے حالیہ چار روزہ کشیدگی میں عملی تجربہ حاصل کیا اور اسے ”لڑائی میں آزمایا ہوا“ قرار دیا گیا

بھارت نے بتایا کہ تیجس طیارہ مئی کے تنازعے میں سرگرم استعمال میں نہیں آیا اور سیکیورٹی وجوہات کی بنا پر یک انجن والے اس طیارے نے ریپبلک ڈے کی فضائی نمائش میں حصہ نہیں لیا۔