یوای ایف اے یورو 2028 کا کارڈف سے آغاز ، فائنل ویملی میں کھیلا جائے گا

یورپی فٹبال چیمپئن شپ 2028 کے افتتاحی میچ کی میزبانی کارڈف کرے گا، جو 9 جون کو ہوگا، جبکہ فائنل 9 جولائی کو لندن کے مشہور ویملی اسٹیڈیم میں کھیلا جائے گا۔ یہ اعلان یورپی فٹبال کی تنظیم یوئیفا نے بدھ کو کیا۔

یہ ٹورنامنٹ انگلینڈ، سکاٹ لینڈ، ویلز اور آئیرلینڈ کے مشترکہ اہتمام میں منعقد ہوگا، جس میں 24 ممالک کے درمیان 51 میچز کھیلے جائیں گے۔

میچز نو مختلف مقامات پر آٹھ شہروں میں ہوں گے، جن میں برمنگھم، ڈبلن، گلاسگو، لیورپول، مانچسٹر اور نیوکاسل شامل ہیں۔

ویملی میں سیمی فائنلز اور ایک کوارٹر فائنل منعقد ہوگا جبکہ باقی کوارٹر فائنلز ڈبلن، گلاسگو اور کارڈف میں ہوں گے۔

راؤنڈ آف 16 کے میچز تمام میزبان مقامات پر ہوں گے، سوائے ویملی کے۔ میزبان ممالک کے گروپ مرحلے کے میچ ان کے ہوم گراؤنڈ میں ہوں گے۔

یوئیفا کے صدر الیگزانڈر سیفیرن نے کہا یورو 2028 میں ہم سب فٹبال کی زبان بولیں گے، متحد اور پرجوش ، ٹورنامنٹ سے برطانیہ اور آئیرلینڈ کو 2028 سے 2031 کے دوران تقریباً 3.6 ارب پاؤنڈ ( 4.83 ارب ڈالر) کے سماجی و اقتصادی فوائد متوقع ہیں۔

برطانیہ، اسکاٹ لینڈ، ویلز اور آئیرلینڈ کی حکومتیں مجموعی طور پر 740 ملین پاؤنڈ (993.15 ملین ڈالر) فراہم کر کے ایونٹ کو محفوظ اور عالمی معیار کا بنانے کا عزم رکھتی ہیں۔

بیلفاسٹ میں 6 دسمبر 2026 کو یورو 2028 کے کوالیفائنگ ڈرا کی میزبانی ہوگی۔