ایس ای سی پی نے انشورنس کمپنیوں کیلئے نئے شائع شدہ مالیاتی گوشوارے جاری کر دیے

سیکورٹیز اینڈ ایکسچینج کمیشن آف پاکستان (ایس ای سی پی) نے لائف اور نان لائف انشورنس کمپنیوں کے لیے شائع شدہ مالیاتی گوشوارے جمع کرانے کا نیا طریقہ کار جاری کر دیا ہے۔

ایس ای سی پی نے اس مقصد کے لیے ایس آر او 1917(I)/2025 کے تحت انشورنس رولز 2017 میں مجوزہ ترامیم متعارف کرائی ہیں۔

ایس ای سی پی کے مطابق، یہ ترامیم اس تاریخ سے نافذالعمل ہوں گی جس دن آئی ایف آر ایس 17 لائف اور نان لائف انشورنس کمپنیوں کے لیے مؤثر ہوگی۔

ترمیم شدہ قواعد کے مطابق، لائف انشوررز کے شائع شدہ مالیاتی گوشواروں میں درج ذیل بیانات شامل ہوں گے، جو منسلک فارمز کے مطابق جمع کرائے جائیں گے: اسٹیٹمنٹ آف فانینشل پوزیشن، اسٹیٹمنٹ آف کمپری ہینسو انکم، اسٹیٹمنٹ آف چینجز اِن ایکوئٹی، اسٹیٹمنٹ آف کیش فلو۔

مزید یہ کہ، لائف انشوررز کے مالیاتی گوشواروں میں ڈسکلوزر100 اور ڈسکلوزر 101 کے تحت آئی ایف آر ایس 17 – انشورنس معاہدے سے متعلق معلومات شامل ہوں گی، جو انشورنس آرڈیننس کی دفعہ 4(1) کے تحت ہر کاروباری طبقے کے لیے علیحدہ علیحدہ دی جائیں گی۔

مالیاتی گوشواروں کا حصہ بننے والے نوٹسز بین الاقوامی مالیاتی رپورٹنگ معیارات (آئی ایف آر ایسز) اور متعلقہ ضوابط کے مطابق تیار کیے جائیں گے، جن میں مختلف کاروباری شعبوں کی تفصیلات بھی شامل ہوں گی۔

ضمیمہ-ٹو میں لائف انشوررز کے فارم ایل جے کے بعد اور نان لائف انشوررز کے فارم جی اے سے پہلے موجود مالیاتی گوشواروں کے فارم اور 1 سے 51 تک کے نوٹسز کو نئے فارمز سے تبدیل کر دیا جائے گا۔

اسی طرح، نان لائف انشوررز کے شائع شدہ مالیاتی گوشواروں میں درج ذیل بیانات شامل ہوں گے: اسٹیٹمنٹ آف فانینشل پوزیشن، اسٹیٹمنٹ آف کمپری ہینسو انکم، اسٹیٹمنٹ آف چینجز اِن ایکوئٹی، اسٹیٹمنٹ آف کیش فلو۔

ڈسکلوزر 100 اور ڈسکلوزر 101 کے تحت آئی ایف آر ایس 17 – انشورنس معاہدے کی تفصیلات، جو انشورنس اکاؤنٹنگ ریگولیشنز 2017 کے ریگولیشن 22 کے مطابق ہر بڑے کاروباری طبقے کے لیے الگ الگ دی جائیں گی۔

نان لائف انشوررز کے مالیاتی گوشواروں سے متعلق نوٹسز بھی آئی ایف آر ایس اور متعلقہ معیارات کے مطابق تیار کیے جائیں گے۔

ایس ای سی پی نے مزید بتایا کہ ضمیمہ-ٹو میں نان لائف انشوررز کے فارم جی کے کے بعد اور ضمیمہ-تھری سے پہلے موجود شائع شدہ مالیاتی گوشواروں کے فارم اور 1 سے 44 تک کے نوٹسز کو بھی نئے فارمز سے تبدیل کر دیا جائے گا۔

کاپی رائٹ بزنس ریکارڈر، 2025