پاکستان اور قازقستان کی مشترکہ فوجی مشقیں دوستریم-وی جاری، آئی ایس پی آر

پاکستان اور قازقستان کی فوجوں کے درمیان انسداد دہشت گردی کے شعبے میں مشترکہ مشق دوستریم-V اسپیشل آپریشنز اسکول، چیرات، پاکستان میں جاری ہے۔

انٹر سروسز پبلک ریلیشنز (آئی ایس پی آر) کے مطابق پاکستان آرمی کے اسپیشل سروسز گروپ اور قازقستان آرمی کے اسپیشل فورسز اس مشق میں حصہ لے رہے ہیں۔

یہ مشق 24 اکتوبر تک جاری رہے گی۔

آئی ایس پی آر کے مطابق افتتاحی تقریب 14 اکتوبر 2025 کو چیراٹ، پاکستان میں منعقد کی گئی۔

آئی ایس پی آر نے بیان میں کہا کہ یہ مشق پیشہ ورانہ مہارتوں کو بہتر بنانے کے لیے مشترکہ تربیت اور دوستانہ ممالک کے درمیان تاریخی فوجی تعلقات کو مستحکم کرنے کے مقصد سے منعقد کی گئی ہے۔

بیان میں مزید کہا گیا کہ شریک افواج باہمی تجربات اور مہارت سے فائدہ اٹھانے کی توقع رکھتی ہیں۔