حبکو گرین کی کراچی، لاہور اور اسلام آباد میں ای وی چارجنگ نیٹ ورک میں توسیع

حب پاور ہولڈنگز لمیٹڈ (ایچ پی ایچ ایل) کی ذیلی کمپنی، حبکو گرین (پرائیویٹ) لمیٹڈ (ایچ جی ایل) نے کراچی، لاہور اور اسلام آباد میں 8 ڈائریکٹ کرنٹ (ڈی سی) فاسٹ چارجنگ اسٹیشنز فعال کردیے ہیں جبکہ ملک گیر توسیعی منصوبے کے تحت مزید اسٹیشنز لگائے جا رہے ہیں۔ یہ منصوبہ پاکستان اسٹیٹ آئل (پی ایس او)، پارکو گنور اور اٹک پیٹرولیم لمیٹڈ (اے پی ایل) کے تعاون سے عملی جامہ پہن رہا ہے۔

پاکستان کی سب سے بڑی آزاد پاور پروڈیوسر (آئی پی پی) حبکو نے یہ پیش رفت بدھ کو اپنے ڈائریکٹرز رپورٹ میں جاری کی۔

رپورٹ میں بتایا گیا ہے کہ ایچ جی ایل نے کراچی، لاہور اور اسلام آباد میں مجموعی طور پر آٹھ ڈی سی فاسٹ چارجرز فعال کر دیے ہیں اور مختلف شہروں میں مزید تنصیبات کا عمل جاری ہے۔

اپریل 2025 میں اٹک پیٹرولیم لمیٹڈ نے حبکو گرین کے ساتھ ملک بھر میں منتخب مقامات پر الیکٹرک وہیکل (ای وی) چارجنگ انفرااسٹرکچر کی ترقی اور مارکیٹنگ کے لیے تعاون کا معاہدہ کیا تھا۔

حبکو گرین نے 21 جنوری 2025 کو کراچی کے اوشین مال میں اپنا پہلا ای وی چارجنگ اسٹیشن کا افتتاح کیا تھا۔ ملک بھر میں جدید اور قابل اعتماد ای وی چارجنگ انفرااسٹرکچر قائم کرنے کے منصوبے پر کام جاری ہے جس میں موٹرویز، ہائی ویز، بڑے شہر اور اہم تجارتی مراکز شامل ہیں۔

فروری 2025 میں حبکو گرین نے پاکستان اسٹیٹ آئل کمپنی لمیٹڈ کے ساتھ بھی ایک تعاون کا معاہدہ کیا جس کے تحت پی ایس او کے مقامات پر ای وی چارجنگ اسٹیشنز نصب کیے جائیں گے۔

چارجنگ انفرااسٹرکچر کے علاوہ حبکو نیو انرجی وہیکل مارکیٹ میں بھی قدم رکھ رہا ہے، جس کے لیے اس کی ذیلی کمپنی میگا موٹر کمپنی (پرائیویٹ) لمیٹڈ پاکستان میں بی وائی ڈی کی سرکاری پارٹنر ہے۔

فروری میں ایم ایم سی پی ایل نے پاکستان کی پہلی پلگ-ان ہائبرڈ پک اپ بی وائی ڈی - Shark 6 متعارف کروائی جسے مارکیٹ میں بے حد پذیرائی حاصل ہوئی۔

فروری 2025 میں ایم ایم سی پی ایل نے پاکستان کی پہلی پلگ-ان ہائبرڈ پک اپ بی وائی ڈی - شارک 6 متعارف کروائی جسے مارکیٹ میں بے حد پذیرائی حاصل ہوئی۔

رپورٹ کے مطابق جیسے ہی عالمی آٹوموٹیو سیکٹر برقی موبیلٹی کی طرف منتقل ہو رہا ہے، ایچ پی ایچ ایل اپنے ذیلی ادارے ایم ایم سی پی ایل کے ذریعے نئے توانائی والے مصنوعات اور خدمات کے مواقع تلاش کرنے میں چوکس ہے۔ کمپنی اس بات پر پُرعزم ہے کہ جیسے ہی مضبوط کاروباری مواقع سامنے آئیں، ان پر عمل کرے تاکہ پائیدار ٹرانسپورٹ کے وسیع پیمانے پر اپنانے کو ممکن بنایا جا سکے۔

حبکو براہِ راست اور بالواسطہ طور پر مختلف پاور پلانٹس چلاتا اور مالک ہے جن کی مجموعی انسٹالڈ پاور جنریشن صلاحیت 2,289 میگاواٹ ہے۔