ٹیلی نار پاکستان کو ٹیلی کام سائبر سیکیورٹی ایوارڈز 2025 میں اعلیٰ ترین اعزاز حاصل

ٹیلی نار پاکستان کو پاکستان ٹیلی کمیونیکیشن اتھارٹی (پی ٹی اے) کی جانب سے منعقدہ ٹیلی کام سائبر سیکیورٹی ایوارڈز 2025 میں اعلیٰ ترین اعزاز سے نوازا گیا۔

کمپنی کو کیٹیگری (1) میں تسلیم کیا گیا، جو صنعت میں سائبر خطرات سے تحفظ، معلوماتی سیکیورٹی اور انفرااسٹرکچر کی لچک کے لیے معیار سمجھا جاتا ہے اور یہ اس شاندار تعمیل کے اعتراف میں ہے کہ ٹیلی نار پاکستان نے کرٹیکل ٹیلی کام ڈیٹا اور انفراسٹرکچر سیکیورٹی ریگولیشنز (سی ٹی ڈی آئی ایس آر ) کی مکمل پاسداری کی۔

یہ کامیابی پی ٹی اے کے سخت سالانہ آڈٹ اور دوبارہ توثیق کے عمل کے بعد حاصل ہوئی جس میں آپریٹرز کا جائزہ ان کی قومی ٹیلی کام انفرااسٹرکچر کے تحفظ کے لیے سخت سائبر سیکیورٹی پروٹوکولز کی پابندی کی بنیاد پر لیا جاتا ہے۔

یہ اعزاز ٹیلی نار پاکستان کے چیف ٹیکنالوجی آفیسر اویس وہرا اور چیف کارپوریٹ افیئرز آفیسر شانول حق کو وفاقی وزیر برائے آئی ٹی و ٹیلی کمیونیکیشن شذا فاطمہ خواجہ نے پیش کیا جس میں سینئر حکومتی عہدیداران، پی ٹی اے کے چیئرمین اور ٹیلی کام و ٹیکنالوجی شعبے کے صنعت کے رہنما بھی موجود تھے۔

ٹیلی نار پاکستان کے چیف ٹیکنالوجی آفیسر اویس وہرا نے کہا کہ دوسرے سال متواتر یہ ایوارڈ جیتنا ٹیلی نار پاکستان کی ہمارے صارفین کے ڈیٹا، نیٹ ورک اور سسٹمز کو مسلسل بڑھتے ہوئے سائبر خطرات سے محفوظ رکھنے کے عزم کی مضبوط عکاسی کرتا ہے۔

کاپی رائٹ بزنس ریکارڈر 2025