ژوب میں بھارتی حمایت یافتہ مزید 3 دہشت گرد ہلاک کردیئے، آئی ایس پی آر
- اینٹی انفِلٹریشن آپریشن کے آغاز سے اب تک 50 دہشت گرد مارے جا چکے ہیں۔
سیکورٹی فورسز نے پاک۔افغان سرحد کے قریب ضلع ژوب میں بھارت کے حمایت یافتہ مزید 3 دہشت گردوں کو ہلاک کر دیا۔
پاک فوج کے شعبہ تعلقات عامہ (آئی ایس پی آر) نے منگل کو پریس ریلیز میں بتایا کہ 10 اور 11 اگست کی درمیانی شب، ضلع ژوب کے سمبازه کے گردونواح میں پاک۔افغان سرحد کے ساتھ ایک مربوط کلیئرنس آپریشن کیا گیا۔
فوج کے ترجمان کے مطابق خوارج کے قبضے سے اسلحہ، گولہ بارود اور دھماکہ خیز مواد بھی برآمد کیا گیا۔
اینٹی انفِلٹریشن آپریشن کے آغاز سے اب تک 50 دہشت گرد مارے جا چکے ہیں۔
آئی ایس پی آر نے کہا کہ سیکورٹی فورسز قوم کی سرحدوں کے تحفظ اور پاکستان کے امن، استحکام اور ترقی کو سبوتاژ کرنے کی ہر کوشش ناکام بنانے کے لیے پرعزم ہیں۔
مئی میں ڈی جی آئی ایس پی آر لیفٹیننٹ جنرل احمد شریف چوہدری نے افغان اشرافیہ پر الزام عائد کیا تھا کہ وہ بھارتی حکومت سے ملنے والی رقم کے عوض دہشت گردوں کو پناہ دے رہے ہیں۔
صوبہ خیبر پختونخوا کی مختلف یونیورسٹیوں کے 2,500 سے زائد طلبہ سے خصوصی نشست میں گفتگو کرتے ہوئے انہوں نے افغانستان پر زور دیا کہ وہ بھارت کے ہاتھوں میں کھیلنے سے گریز کرے۔
Comments
Comments are closed.