BR100 Increased By (0.01%)
BR30 Increased By (0.53%)
KSE100 Increased By (0.28%)
KSE30 Increased By (0.29%)
BAFL 59.77 Increased By ▲ 0.06 (0.1%)
BIPL 24.26 Decreased By ▼ -0.05 (-0.21%)
BOP 31.39 Increased By ▲ 0.16 (0.51%)
CNERGY 11.73 Increased By ▲ 0.14 (1.21%)
DFML 15.69 Decreased By ▼ -0.04 (-0.25%)
DGKC 204.07 Decreased By ▼ -2.30 (-1.11%)
FABL 96.02 Increased By ▲ 0.03 (0.03%)
FCCL 61.71 Increased By ▲ 0.17 (0.28%)
FFL 14.79 Decreased By ▼ -0.23 (-1.53%)
GGL 19.68 Decreased By ▼ -0.01 (-0.05%)
HBL 309.43 Decreased By ▼ -1.22 (-0.39%)
HUBC 204.20 Decreased By ▼ -1.13 (-0.55%)
HUMNL 8.72 Increased By ▲ 0.13 (1.51%)
KEL 6.32 Increased By ▲ 0.06 (0.96%)
LOTCHEM 24.69 Increased By ▲ 0.01 (0.04%)
MLCF 103.93 Decreased By ▼ -0.15 (-0.14%)
OGDC 315.87 Increased By ▲ 2.48 (0.79%)
PAEL 35.58 Decreased By ▼ -0.22 (-0.61%)
PIBTL 13.66 Increased By ▲ 0.19 (1.41%)
PIOC 271.12 Increased By ▲ 0.61 (0.23%)
PPL 226.07 Increased By ▲ 4.26 (1.92%)
PRL 80.28 Increased By ▲ 1.20 (1.52%)
SNGP 93.95 Increased By ▲ 0.27 (0.29%)
SSGC 23.82 Decreased By ▼ -0.05 (-0.21%)
TELE 7.55 Increased By ▲ 0.16 (2.17%)
TPLP 12.99 Increased By ▲ 0.48 (3.84%)
TRG 53.33 Decreased By ▼ -0.11 (-0.21%)
UNITY 8.39 Increased By ▲ 0.05 (0.6%)
WTL 1.38 Increased By ▲ 0.13 (10.4%)

پبلک پروکیورمنٹ ریگولیٹری اتھارٹی (پیپرا) نے پبلک پروکیورمنٹ رولز 2025 کے نئے مسودے کی منظوری دے دی ہے جس میں بلیک لسٹنگ کے طریقہ کار، پروکیورمنٹ کے مختلف طریقوں، بولیوں کی میعاد اور دیگر اہم ترامیم شامل ہیں۔ ذرائع کے مطابق پیپرا نے 5 جون 2024 کو متعلقہ وزارتوں اور پروکیورنگ ایجنسیوں سے مشاورت کا عمل شروع کیا اور پروکیورمنٹ فریم ورک کو بہتر بنانے کے لیے ان کی تجاویز کو مربوط کیا۔

وزیراعظم شہباز شریف نے 23 اگست اور 21 نومبر 2024 کو منعقدہ اجلاسوں میں پیپرا کے ادارہ جاتی اور قانونی ڈھانچے پر تحفظات کا اظہار کرتے ہوئے ہدایت دی تھی کہ پروکیورمنٹ قواعد کا بین الاقوامی معیار کی شفافیت، معیشت، استعداد اور کاروبار میں آسانی کے اصولوں کے مطابق فوری جائزہ لیا جائے۔ انہوں نے زور دیا تھا کہ شکایات کے ازالے اور معائنہ کمیٹیاں پروکیورنگ ایجنسیوں کے اثر سے آزاد ہوں، اہم اور بین الاقوامی خریداریوں میں پری شپمنٹ انسپیکشن لازمی کیا جائے، اور 70 ملین روپے سے زائد ترقیاتی منصوبوں کی تھرڈ پارٹی ویلیڈیشن لازم قرار دی جائے۔

ان ہدایات کی روشنی میں پیپرا نے ورلڈ بینک پاکستان کی معاونت سے بین الاقوامی پروکیورمنٹ ماہر پیٹر ٹریپٹے کی خدمات حاصل کیں، جنہوں نے وفاقی و صوبائی پیپرا، ورلڈ بینک کے ماہرین اور پروکیورنگ اداروں سے مشاورت کے بعد موجودہ فریم ورک کی کمزوریوں، طاقتوں اور خامیوں کی نشاندہی کی۔ 27 ستمبر 2024 کو بورڈ کے 82ویں اجلاس میں ابتدائی رپورٹ پیش کی گئی جس میں آرڈیننس میں مزید ذمہ داریاں شامل کرنے، قواعد کو جامع طور پر ازسرِنو ترتیب دینے، پروکیورمنٹ سیل اور نگران کمیٹیوں کے قیام، بلیک لسٹنگ کے عمل کو مرکزی کرنے اور شکایات کے ازالے کے نظام میں اصلاحات کی سفارشات شامل تھیں۔

پیپرا بورڈ نے ان سفارشات سے اتفاق کرتے ہوئے نئے قواعد کے مسودے کی تیاری کی ہدایت دی۔ بین الاقوامی اور مقامی ماہرین کی مشاورت سے تیار شدہ ابتدائی مسودہ 30 دسمبر 2024 کو پیش کیا گیا اور 17 جنوری 2025 کو عوامی رائے کے لیے ویب سائٹ پر دستیاب کرایا گیا۔ موصولہ آرا کو مدنظر رکھتے ہوئے مسودے میں بہتری کی گئی اور جنوری 2025 میں منعقدہ متعدد اجلاسوں میں بورڈ نے ترامیم کا تفصیلی جائزہ لیا۔ اپ ڈیٹ شدہ مسودہ 31 جنوری کو بین الاقوامی کنسلٹنٹ اور بعد ازاں 6 فروری کو مقامی ماہر قانون کو بھجوایا گیا جبکہ 14 فروری 2025 کو وزیرِاعظم آفس کو مالی حد بندیوں کے حوالے سے رہنمائی کے لیے ارسال کیا گیا۔

پروکیورنگ ایجنسیوں نے ٹی پی وی/ٹی پی ای کی کم مالی حدوں پر تشویش کا اظہار کرتے ہوئے کہا کہ اس سے عمل میں تاخیر اور اخراجات بڑھ سکتے ہیں۔ ان خدشات پر قابو پانے کے لیے 10 اپریل اور 19 مئی 2025 کو مشاورتی اجلاس ہوئے، جن میں مالی حدوں، شکایات کے ازالے کے آزاد میکنزم، بلیک لسٹنگ کے عمل کی معقولیت اور مس پروکیورمنٹ کی تعریف پر غور کیا گیا۔ ان سفارشات کو مسودے میں شامل کیا گیا۔

19 اور 20 جون 2025 کو بورڈ کے 96ویں اور 97ویں اجلاس میں پبلک پروکیورمنٹ رولز 2025 کا حتمی مسودہ منظور کر لیا گیا۔ بورڈ نے بولی، بلیک لسٹنگ، مسابقتی بولی، ای پروکیورمنٹ، جی آر سی اور معیاری بولی دستاویزات جیسے اہم اصطلاحات کی نئی تعریفوں، پروکیورمنٹ سیلز، بڈ ایویلیوایشن کمیٹیوں، تھرڈ پارٹی ایویلیوایشن، شکایات کے ازالے اور معائنہ کمیٹیوں کے اختیارات اور پروکیورمنٹ کے مختلف طریقوں پر نظرثانی کی منظوری دی۔

بورڈ نے یہ فیصلہ کیا کہ نئے قواعد کو پیپرا آرڈیننس 2002 کی دفعہ 26 کے تحت کابینہ ڈویژن کو حتمی منظوری کے لیے ارسال کیا جائے۔ بورڈ نے پیپرا انتظامیہ کی کاوشوں اور ورلڈ بینک کی تکنیکی معاونت کو سراہا۔

کاپی رائٹ بزنس ریکارڈر، 2025

Comments

Comments are closed.