یورپی یونین کا پاکستان کو 2 کروڑ یورو گرانٹ، حکمرانی اور کاروباری ماحول بہتر بنانے پر اتفاق

پاکستان اور یورپی یونین (ای یو) نے جمعرات کے روز 2 کروڑ یورو کے گرانٹ معاہدے پر دستخط کیے ہیں تاکہ بہتر حکمرانی اور کاروباری ماحول کے عنوان سے ایک نیا منصوبہ شروع کیا جا سکے۔ اس منصوبے کا مقصد حکمرانی کو مضبوط بنانا اور نجی شعبے، خصوصاً چھوٹے اور درمیانے درجے کے کاروباروں (ایس ایم ایز) کی مسابقتی صلاحیت کو بہتر بنانا ہے۔

معاہدے پر دستخط یورپی یونین کی سفیر ڈاکٹر رینا کیونکا اور اقتصادی امور ڈویژن کے سیکریٹری ڈاکٹر کاظم نیاز نے کیے۔ یہ پروگرام یورپی یونین کے کثیر سالہ اشارتی پروگرام 2021-2027 ( ملٹی اینول انڈیکیٹیو پروگرام) کا حصہ ہے۔

پاکستان اور یورپی یونین (ای یو) نے جمعرات کے روز 2 کروڑ یورو کے گرانٹ معاہدے پر دستخط کیے ہیں، جس کے تحت ”بہتر حکمرانی اور کاروباری ماحول“ کے نام سے ایک نیا منصوبہ شروع کیا جائے گا۔ اس اقدام کا مقصد حکمرانی کو مستحکم بنانا اور نجی شعبے، بالخصوص چھوٹے اور درمیانے درجے کے کاروباروں (ایس ایم ایز) کی مسابقت بڑھانا ہے۔

سرکاری حکام کے مطابق یہ منصوبہ ایس ایم ای سے متعلق قانون سازی، برآمدی صنعتوں کی گرین ٹرانزیشن اور یورپی یونین کی گلوبل گیٹ وے حکمتِ عملی، جی ایس پی پلس فریم ورک اور ای یو گرین ڈیل سے ہم آہنگ ہدفی سرمایہ کاری کو فروغ دے گا۔

معاہدے پر دستخط یورپی یونین کی سفیر ڈاکٹر رینا کیونکا اور اقتصادی امور ڈویژن کے سیکریٹری ڈاکٹر کاظم نیاز نے کیے۔

ڈاکٹر نیاز نے یورپی یونین کی مسلسل معاونت پر شکریہ ادا کرتے ہوئے اس پروگرام کو حکومتِ پاکستان کی ”اُڑان پاکستان“ حکمتِ عملی کے مطابق بروقت اور موزوں قرار دیا، جس کا مقصد ادارہ جاتی اصلاحات اور نجی شعبے کی ذمہ دارانہ ترقی ہے۔

یورپی یونین کی سفیر ڈاکٹر رینا کیونکا نے کہا کہ یورپی یونین پاکستان میں جامع اور پائیدار معیشت کے قیام کے لیے پرعزم ہے، جس کے لیے گرین انوویشن، خواتین کی زیر قیادت کاروباروں اور پبلک پرائیویٹ پارٹنرشپس میں سرمایہ کاری کی جا رہی ہے۔

یورپی یونین اور پاکستان کے درمیان ترقیاتی تعاون کا دائرہ کار ماحولیاتی لچک، انسانی حقوق، حکمرانی اور پائیدار اقتصادی ترقی پر مرکوز ہے۔