ایم ٹیکس ٹیکسٹائل لمیٹڈ نے بدھ کے روز قرض ادائیگی کے لیے 2 اراضیوں کی فروخت کرنے کا اعلان کیا ہے۔
کمپنی نے پاکستان اسٹاک ایکسچینج (پی ایس ایکس) کو دیئے گئے نوٹس میں کہا ہے کہ شیئر ہولڈرز کی منظوری سے، فیصل آباد میں واقع چک 204 آر بی، رضا گارڈن کینال روڈ پر 165 مرلے رقبے والی اراضی اور چک 120 جے بی، سرگودھا روڈ، فیصل آباد پر 6 کنال 2 مرلے رقبے والی اراضی فروخت کی جائے گی۔
اجلاس کے دوران کمپنی نے یہ بھی فیصلہ کیا ہے کہ مندرجہ بالا منظوری کے تحت بورڈ آف ڈائریکٹرز کو اثاثہ جات کی فروخت کے لیے مکمل اختیار اور اجازت دی جاتی ہے۔
بورڈ اپنے اختیارات چیف ایگزیکٹو آفیسر یا کسی ڈائریکٹر کو، چاہے کمپنی کے کسی اور ڈائریکٹر کے ساتھ یا بغیر، ایسے شرائط و ضوابط کے تحت تفویض کر سکتا ہے جو وہ مناسب سمجھے، تاکہ کمپنی کی جانب سے اثاثہ جات کی فروخت کے تمام عمل کو انجام دیا جا سکے۔
ایم ٹیکس پاکستان کے معروف ٹیکسٹائل مینوفیکچرنگ گروپوں میں سے ایک ہے۔
یہ ایک عمودی طور پر مربوط گروپ ہے جو ٹیکسٹائل کی صنعت کے تمام شعبوں میں کام کرتا ہے، جن میں اسپننگ سے لے کر سلائی تک شامل ہیں۔
Comments
Comments are closed.