استعمال شدہ کمپیوٹر، لیپ ٹاپ اور پرنٹر پر کسٹم ویلیو میں نمایاں کمی

ڈائریکٹوریٹ جنرل آف کسٹمز ویلیوایشن کراچی نے استعمال شدہ کمپیوٹرز، لیپ ٹاپس، پرنٹرز کی درآمد پر کسٹمز ویلیو میں نمایاں کمی کردی ہے۔

ڈائریکٹوریٹ کی جانب سے درآمد کنندگان کو سہولت دینے کے لیے نئی ویلیوایشن رولنگ (2000 آف 2025) جاری کی گئی ہے۔

کسٹمز کی قیمتوں میں کمی کا اطلاق لیپ ٹاپ، پرنٹرز اور اس کے لوازمات سمیت پرانے اور استعمال شدہ کمپیوٹرز کی درآمد پر ہوگا۔

رولنگ میں انکشاف کیا گیا کہ پچھلی ویلیو ایشن رولنگ ایک سال سے زیادہ پرانی تھی۔ اس لئے درآمد شدہ ڈیٹا کے تجزیے، موجودہ مارکیٹ کے رجحانات، مارکیٹ قیمتوں اور کسٹمز ویلیوز کے فرق کی بنیاد پر، کسٹمز ایکٹ 1969 کے سیکشن 25 اور 25 اے کے تحت اشیا کی کسٹمز ویلیو کا تعین کرنے کے لئے ایک عمل شروع کیا گیا۔

کسٹمز ویلیو کے تعین کے لیے ہونے والی میٹنگ میں متعلقہ اسٹیک ہولڈرز نے شرکت کی۔ انہوں نے اس بات پر زور دیا کہ پرانی ماڈلز کے مال کی قیمتوں میں کمی آئی ہے اور ان کی قیمتوں کا تعین اسی حساب سے کیا جانا چاہیے۔

اس کے نتیجے میں، تمام ذرائع سے آنے والے پرانے اور استعمال شدہ کمپیوٹر سسٹمز، لیپ ٹاپس، پرنٹرز اور ان کی معاون اشیاء و لوازمات کی کسٹمز ویلیو کا تعین کیا گیا۔ اس فیصلے میں کہا گیا ہے کہ مذکورہ اشیاء کی ٹرانزیکشن ویلیو کو ڈیوٹیز اور ٹیکسز کی تشخیص کے لیے طے کیا گیا ہے۔

کاپی رائٹ بزنس ریکارڈر، 2025