اسرائیل کے ساتھ تبادلے کے اگلے معاہدے میں نیا طریقہ کار استعمال کیا جائے گا، حماس

حماس نے بدھ کے روز کہا ہے کہ اسرائیلی یرغمالیوں کی لاشوں کے لیے فلسطینی قیدیوں کا تبادلہ ایک نئے طریقہ کار کے ذریعے کیا جائے گا جو اسرائیل کی تعمیل کی ضمانت دیتا ہے۔

حماس کے ایک بیان میں مزید کہا گیا ہے کہ تبادلے کی تاریخ کا اعلان صحیح وقت پر کیا جائے گا۔

حماس نے یہ بھی کہا کہ اسے غزہ جنگ بندی معاہدے کے دوسرے مرحلے کے بارے میں کوئی تجویز موصول نہیں ہوئی ہے حالانکہ وہ تمام مراحل کی تکمیل کے لئے اس پر پیش رفت کے لئے تیار ہے۔

مصری ذرائع نے بدھ کے روز کہا ہے کہ ثالث ان فلسطینی قیدیوں کو رہا کرنے کے لیے ایک معاہدے پر پہنچ گئے ہیں جنہیں گزشتہ ہفتے اسرائیلی حکام نے رہا کرنا اور اسکے بدلے حماس کی جانب سے اسرائیلی یرغمالیوں کی لاشوں کو حوالے کیا جانا تھا۔