مقامی مینوفیکچرنگ / اسمبلنگ پلانٹس نے کیلنڈر سال 2024 کے پہلے 11 ماہ (جنوری تا نومبر) کے دوران 28.43 ملین موبائل ہینڈ سیٹ تیار / اسمبل کیے جبکہ تجارتی طور پر 1.49 ملین موبائل ہینڈ سیٹ درآمد کیے گئے۔
سرکاری اعداد و شمار سے پتہ چلتا ہے کہ مقامی طور پر تیار / اسمبل ہونے والے 28.43 ملین موبائل فون ہینڈ سیٹوں میں 11.42 ملین 2 جی اور 17.01 ملین اسمارٹ فونز شامل ہیں۔
اس کے علاوہ پی ٹی اے کے اعداد و شمار کے مطابق 65 فیصد موبائل ڈیوائسز اسمارٹ فونز ہیں اور 35 فیصد پاکستان نیٹ ورک پر 2 جی ہیں۔
ملک نے رواں مالی سال 25-2024 کے پہلے پانچ ماہ (جولائی تا نومبر) کے دوران 570.167 ملین ڈالر مالیت کے موبائل فون درآمد کیے جو گزشتہ مالی سال 24-2023 کے اسی عرصے کے 616.518 ملین ڈالر کے مقابلے میں 7.52 فیصد کی کمی کو ظاہر کرتے ہیں۔
پاکستان نے مالی سال 24-2023 کے دوران 1.898 ارب ڈالر مالیت کے موبائل فون درآمد کیے جبکہ مالی سال 23-2022 کے دوران یہ رقم 570.071 ملین ڈالر تھی۔ روپے کے لحاظ سے ملک نے رواں مالی سال کے پہلے پانچ ماہ کے دوران 158.514 ارب روپے مالیت کے موبائل ہینڈ سیٹس درآمد کیے اور گزشتہ مالی سال کے اسی عرصے کے دوران 177.311 ارب روپے کے مقابلے میں 10.60 فیصد کی کمی کو ظاہر کرتے ہیں۔
ادارہ برائے شماریات پاکستان (پی بی ایس) کی جانب سے جاری اعداد و شمار کے مطابق نومبر 2024 ء میں ماہانہ بنیادوں پر پاکستان کی موبائل فونز کی درآمدات میں 14.32 فیصد کمی ہوئی اور یہ 149.375 ملین ڈالر رہی جبکہ اکتوبر 2024ء میں 74.332 ملین ڈالر کی درآمدات ہوئی تھیں۔ سالانہ کی بنیاد پر موبائل فون کی درآمدات میں نومبر 2023 کے 146.549 ملین ڈالر کے مقابلے میں 1.93 فیصد اضافہ دیکھا گیا۔
کاپی رائٹ بزنس ریکارڈر، 2025
Comments
Comments are closed.