چین کے جنوبی علاقوں میں سیلاب، دیگر مقامات پر درجہ حرارت میں اضافہ

چین کے قومی موسمیاتی مرکز نے اتوار کے روز ملک بھر کے متعدد علاقوں میں شدید گرمی کے پیش نظر بلند درجہ حرارت کا الرٹ جاری کیا ہے جبکہ کئی جنوبی صوبوں نے شدید بارشوں کی وجہ سے شدید سیلاب کی وارننگ جاری کی ہے۔

موسمیاتی مرکز نے کہا کہ شمالی چین اور دریائے زرد اور دریائے ہوائیہی کے درمیان کے علاقوں میں بلند درجہ حرارت کی شدت میں کمی کا امکان ہے۔

محکمہ موسمیات کے مطابق اتوار کے روز سنکیانگ، منگولیا اور ہینان کے کچھ حصوں میں زیادہ سے زیادہ درجہ حرارت 37-39 ڈگری سینٹی گریڈ (99-102 ڈگری فارن ہائیٹ) رہے گا۔

جنوب مشرقی صوبے فوجیان میں سات روز سے موسلا دھار بارشیں ہو رہی ہیں اور توقع ہے کہ یہ سلسلہ جاری رہے گا اور بعض دریاؤں میں پانی کی سطح خطرے کی سطح سے تجاوز کر گئی ہے۔

چین کے سرکاری ٹیلی ویژن سی سی ٹی وی کے مطابق حکام نے کئی ڈیمز سے پانی چھوڑا دیا ہے۔

سی سی ٹی وی کی رپورٹ کے مطابق گوانگسی علاقے کے حکام کا کہنا ہے کہ کچھ مقامی دریاؤں میں پانی کی سطح بہت بلندی کو چھو رہی ہے اور جنوبی شہر گلین میں سیلاب سے ایک طالب علم ہلاک ہوگیا ہے۔