وفاقی بورڈ آف ریونیو (ایف بی آر) نے یکم نومبر 2026 تک 14,078 بڑے ریٹیلرز، ٹیکسٹائل اور چمڑے کی مصنوعات کے خوردہ فروشوں اور ریسٹورنٹس کو پوائنٹ آف سیل (پی او ایس) نظام سے منسلک کردیا ہے جس کا مقصد ٹائر ون کے خوردہ فروشوں، ہوٹلوں اور ریسٹورنٹس کے لین دین کو دستاویزی شکل دینا ہے۔
مذکورہ مدت تک ٹائر ون کے خوردہ فروشوں، ٹیکسٹائل اور چمڑے کی مصنوعات کے خوردہ فروشوں اور ریسٹورنٹس کی پی او ایس نظام سے منسلک شاخوں اور آؤٹ لیٹس کی مجموعی تعداد بڑھ کر 38,259 ہو گئی۔
ایف بی آر کی جانب سے یکم نومبر تک مرتب کردہ خوردہ فروشوں کی فہرست کے مطابق مجموعی طور پر 12,302 ٹائر ون خوردہ فروش پی او ایس نظام میں رجسٹرڈ تھے جبکہ خوردہ فروشوں کی 25,580 شاخیں اس نظام سے منسلک کی جا چکی تھیں۔
تقریباً 1,212 ریستوران پی او ایس نظام میں رجسٹرڈ تھے، جبکہ ان کی 1,908 شاخیں ایف بی آر کے نظام سے منسلک کی جا چکی تھیں۔
اسی طرح، مجموعی طور پر 564 چمڑے اور ٹیکسٹائل کی مصنوعات کے خوردہ فروش ایف بی آر میں رجسٹرڈ تھے جبکہ ان کی 10,771 شاخیں اس نظام سے منسلک کی جا چکی تھیں۔