کرکٹ آسٹریلیا کے سربراہ کا سینڈ پیپر گیٹ تنازعے کے دوران پیٹ کمنز کی قیادت پر اعتماد کا اظہار

کرکٹ آسٹریلیا کے چیئرمین ڈیوڈ بون نے ٹیسٹ کپتان پیٹ کمنز کی قیادت پر مکمل اعتماد کا اظہار کرتے ہوئے کہا ہے کہ عثمان خواجہ کی کتاب میں 2018ء کے بال ٹیمپرنگ اسکینڈل سے متعلق الزامات کے باوجود کمنز کی کپتانی کو کوئی خطرہ نہیں۔

سابق ٹیسٹ بلے باز عثمان خواجہ نے اپنی کتاب میں دعویٰ کیا ہے کہ دورۂ جنوبی افریقا کے دوران تمام آسٹریلوی کھلاڑیوں کو گیند سے چھیڑ چھاڑ کے منصوبے کا پہلے سے علم تھا۔ ان الزامات کے بعد معاملے کی دوبارہ تحقیقات کا مطالبہ سامنے آیا ہے۔

ڈیوڈ بون نے کہا کہ کرکٹ آسٹریلیا کو پیٹ کمنز کی دیانت داری اور قیادت پر مکمل اعتماد ہے اور انہوں نے بطور کپتان ٹیم کی کامیابی سے رہنمائی کی ہے۔

دوسری جانب کمنز نے خواجہ کے الزامات پر تاحال براہ راست ردعمل نہیں دیا، تاہم ایکس پر کہا کہ وہ جمعے کو میڈیا سے گفتگو کے لیے تیار ہیں۔

آسٹریلوی وائٹ بال کپتان مچل مارش نے کہا کہ اسکینڈل سے اب بھی کئی افراد متاثر ہیں۔ سابق کھلاڑی ڈیوڈ وارنر اور چڈ سیئرز نے بھی عثمان خواجہ کے مؤقف کی حمایت کی، تاہم کرکٹ آسٹریلیا کے حکام نے معاملے کی دوبارہ تحقیقات کی ضرورت مسترد کردی۔