سویاٹیک نے یو ایس اوپن میں وانگ کو شکست دے کر فاتحانہ آغاز کر دیا

سابق چیمپئن اور پولینڈ کی آٹھویں سیڈ اگا سویاٹیک نے یو ایس اوپن میں شاندار آغاز کرتے ہوئے چین کی وانگ ژیو کو 6-2 اور 6-3 سے شکست دے کر دوسرے راؤنڈ میں جگہ بنا لی۔

88 منٹ جاری رہنے والے اس میچ میں فتح کے بعد 25 سالہ سویا ٹیک کا کہنا تھا کہ ان کا دن بہترین رہا اور وہ ابتدا ہی سے جوش و جذبے سے مزین تھیں۔

رواں ماہ ٹورنٹو میں رواں سال کا پہلا ٹائٹل جیتنے اور سنسناٹی کے سیمی فائنل تک رسائی کے بعد نیویارک پہنچنے والی سویاٹیک ساتویں گرینڈ سلیم تاج پر نظریں جمائے ہوئے ہیں۔ انہوں نے کہا کہ حالیہ اچھے نتائج کے بعد گرینڈ سلیم میں شرکت خوش آئند ہے اور وہ اپنے کھیل میں مزید نکھار لانے پر توجہ مرکوز کیے ہوئے ہیں۔

لوئس آرمسٹرانگ اسٹیڈیم میں 2022 کی چیمپئن اگا سویاٹیک نے ابتدائی سیٹ میں 3-1 کی برتری حاصل کرنے کے بعد آسانی سے کامیابی سمیٹی۔ دوسرے راؤنڈ میں ان کا مقابلہ نادیہ پوڈوروسکا سے ہوگا۔