میسی کے چار گولز کی بدولت انٹر میامی کی سی ایف مونٹریال کے خلاف 7-1 سے شاندار فتح
- اس شاندار کارکردگی کے ساتھ ہی میسی جاری سیزن میں 18 گولز کے ساتھ ایم ایل ایس کے ٹاپ اسکورر بن گئے
میجر لیگ ساکر میں انٹر میامی کے قائم مقام کوچ گلیرمو ہوئوس نے سی ایف مونٹریال کے خلاف 7-1 سے کی جانے والی یکطرفہ فتح میں لیونل میسی کے چار گولز کے بعد ان کی بے مثال کارکردگی کی زبردست تعریف کی۔ 39 سالہ ارجنٹائنی اسٹار نے اپنے کیریئر میں پہلی بار ایم ایل ایس کے ایک میچ میں چار گول اسکور کرنے کا کارنامہ انجام دیا، جبکہ ایک گول میں اسسٹ بھی فراہم کیا۔
اس شاندار کارکردگی کے ساتھ ہی میسی جاری سیزن میں 18 گولز کے ساتھ ایم ایل ایس کے ٹاپ اسکورر بن گئے ہیں۔ میچ میں انہوں نے ہاف ٹائم سے قبل ٹیم کو برتری دلائی، پھر 52 ویں اور 83 ویں منٹ میں گول کرکے اپنی ہیٹ ٹرک مکمل کی اور انپٹ ٹائم میں فری کک پر چوتھا گول داغ کر میچ کا شاندار اختتام کیا۔
کوچ ہوئوس نے لیونل میسی کی تعریف کرتے ہوئے کہا کہ ایسے فٹبال کے حسن کو بیان کرنے کے لیے الفاظ کم پڑ جاتے ہیں، وہ ایک عام فٹبالر نہیں ہیں۔
اس فتح میں انٹر میامی کے نئے برازیلین مڈفیلڈر کاسیمیرو نے بھی میسی کو سراہتے ہوئے کہا کہ لیونل میسی کے ساتھ کھیلنا اور ان کی تاریخی کھیل سے لطف اندوز ہونا ایک بڑا اعزاز ہے۔ ریئل میڈرڈ کے سابق ستارے کاسیمیرو جولائی میں مانچسٹر یونائیٹڈ سے آزاد ایجنٹ کے طور پر انٹر میامی میں شامل ہوئے ہیں۔