نیوزی لینڈ سیریز : انگلینڈ کی سابق خاتون وکٹ کیپر سارہ ٹیلر مردوں کی ٹیم کی فیلڈنگ کوچ مقرر

انگلینڈ کی سابق وکٹ کیپر سارہ ٹیلر مردوں کی سینئر ٹیم کے ساتھ کام کرنے والی پہلی خاتون کوچ بن گئی ہیں۔

انہیں اگلے ماہ نیوزی لینڈ کے خلاف ہونے والی تین ٹیسٹ میچوں کی سیریز کے لیے فیلڈنگ کوچ مقرر کیا گیا ہے۔ 36 سالہ سارہ ٹیلر جو 2009 کے ٹی ٹوئنٹی اور ون ڈے ورلڈ کپ کی فاتح ٹیم کا حصہ تھیں، کارل ہاپکنسن کی جگہ یہ ذمہ داری سنبھالیں گی جو اس وقت آئی پی ایل میں مصروف ہیں۔

ریٹائرمنٹ کے بعد سے سارہ ٹیلر سسیکس کاؤنٹی اور انگلینڈ لائنز کے ساتھ کوچنگ کے فرائض انجام دے رہی ہیں۔انگلش کرکٹ کے ڈائریکٹر روب کی نے ان کی مہارت کی تعریف کرتے ہوئے کہا کہ وہ اپنے کام میں بہترین ہیں اور اینڈریو فلنٹوف جیسے سابق کھلاڑی بھی ان کی صلاحیتوں کے معترف ہیں۔ دوسری جانب نیوزی لینڈ کے خلاف 4 جون سے لارڈز میں شروع ہونے والے پہلے ٹیسٹ کے لیے انگلینڈ نے زیک کرولی کو ڈراپ کرکے ایمیلیو گے کو بین ڈکٹ کے ممکنہ اوپننگ پارٹنر کے طور پر اسکواڈ میں شامل کیا ہے۔