ٹیلی نار اور فور برادرز گروپ کے درمیان شراکت داری کا معاہدہ
- یہ تعاون کسانوں کو ٹیکنالوجی کے ذریعے بااختیار بنا کر زرعی پیداوار اور پائیداری میں اضافے کا اہم قدم ہے، چیف مارکیٹنگ آفیسر احسن میکن
ٹیلی نار پاکستان نے فور برادرز گروپ کے ساتھ اسٹریٹجک اشتراک کا اعلان کیا ہے جس کا مقصد کسانوں کی تصدیق شدہ زرعی مداخل تک رسائی کو بہتر بنانا اور جدید کاشتکاری کو فروغ دینا ہے۔ اس شراکت داری کے تحت ٹیلی نار کے پلیٹ فارمز خوشحال زمیندار اور ای کامرس پورٹل پی کے 7272 کو فور برادرز کے بیجوں اور زرعی حل کے ساتھ منسلک کیا گیا ہے۔
اس اقدام سے کسان شفاف قیمتوں پر معیاری اشیاء آن لائن خرید سکیں گے، جن کی گھر کی دہلیز پر فراہمی اور خوشحال زمیندارکے ماہرین کی مشاورت میسر ہوگی۔ ٹیلی نار پاکستان کے چیف مارکیٹنگ آفیسر احسن میکن کے مطابق یہ تعاون کسانوں کو ٹیکنالوجی کے ذریعے بااختیار بنا کر زرعی پیداوار اور پائیداری میں اضافے کا ایک اہم قدم ہے۔
ٹیلی نار پہلے ہی اے اے آر آئی اور کروپ ٹو ایکس جیسے اداروں کے ساتھ مل کر اے آئی پر مبنی موسم اور فصلوں کی ایڈوائزری فراہم کر رہا ہے۔ یہ نیا اشتراک پاکستان میں ایک موسمیاتی طور پر لچکدار اور جدید زرعی ماحولیاتی نظام کو مستحکم کرے گا۔