چین کے مرکزی بینک کی مسلسل 13ویں ماہ سونے کی خریداری

چین نے سونے کے ذخائر میں مسلسل اضافہ جاری رکھتے ہوئے نومبر کے اختتام تک اپنے ذخائر 74.12 ملین فائن ٹرائے اونس تک بڑھا لیے۔

یہ ذخائر اکتوبر کے اختتام پر 74.09 ملین فائن ٹرائے اونس تھے، اس طرح چین نے لگاتار 13ویں ماہ سونے کی خریداری کا سلسلہ برقرار رکھا۔

پیپلز بینک آف چائنا کے جاری کردہ اعدادوشمار کے مطابق گزشتہ ماہ کے اختتام پر چین کے سونے کے مجموعی ذخائر کی مالیت 310.65 ارب ڈالر ریکارڈ کی گئی جو اکتوبر کے اختتام پر 297.21 ارب ڈالر تھی۔

یوں ایک ماہ کے دوران سونے کے ذخائر کی قدر میں نمایاں اضافہ دیکھا گیا۔