امریکی قونصلیٹ اور خیبر پختونخوا آئل اینڈ گیس کمپنی کے درمیان تیل و گیس میں سرمایہ کاری کے مواقع پر گفتگو

امریکی قونصلیٹ پشاور کے اہلکاروں نے خیبر پختونخوا آئل اینڈ گیس کمپنی لمیٹڈ (کے پی او جی سی ایل) کے سی ای او ناصر خان اور دیگر نمائندگان سے ملاقات کی تاکہ صوبے کے تیل و گیس شعبے میں ممکنہ سرمایہ کاری کے مواقع پر تبادلہ خیال کیا جا سکے۔

پریس ریلیز کے مطابق ملاقات میں یہ بات اجاگر کی گئی کہ پاکستان کے تیل کے ذخائر کی ترقی خیبر پختونخوا میں اقتصادی ترقی اور طویل مدتی استحکام کے لیے ایک اہم محرک ثابت ہوسکتی ہے۔

دونوں فریقین نے اس بات پر زور دیا کہ اس طرح کا تعاون اقتصادی تعلقات کو مضبوط بنانے کے ساتھ پاکستان اور امریکہ کے مشترکہ خوشحالی کے اہداف کے حصول میں بھی معاون ثابت ہوسکتا ہے۔

کاپی رائٹ بزنس ریکارڈر 2025