چین کے صدر شی جن پنگ نے بدھ کے روز بیجنگ میں حال ہی میں منتخب سری لنکا کے صدر انورا کمارا ڈسنائیکے سے ملاقات کی اور اس موقع پر دونوں ملکوں نے مزید سرمایہ کاری اور اقتصادی تعاون پر اتفاق کیا۔
دونوں ممالک نے تعاون کی کل 15 دستاویزات پر دستخط کیے جن میں اقتصادی اور تکنیکی ترقی پر تعاون کے معاہدے اور چین کے ’بیلٹ اینڈ روڈ انیشی ایٹو‘ کو سری لنکا کے 2030 کے ڈیجیٹل اکانومی بلیو پرنٹ کے ساتھ ہم آہنگ کرنا شامل ہے۔
دستخط کی تقریب میں معاہدوں کی تفصیلات ظاہر نہیں کی گئیں۔
ڈسانائیکے کا اپنے ملک کے سب سے بڑے دوطرفہ قرض دہندہ کا دورہ پہلی بار علاقائی حریف بھارت کا دورہ کرنے کے بعد ہو رہا ہے۔
کولمبو نے گزشتہ سال جون میں چین، جاپان اور بھارت سمیت اہم قرض دہندگان کے ساتھ 10 ارب ڈالر کے ابتدائی دو طرفہ قرض کے معاہدے اور دسمبر میں 12.5 ارب ڈالر کے بانڈ ہولڈر معاہدے پر نظرثانی کرنا ہے تاکہ ان کے قرض کی شرائط کو بہتر بنایا جا سکے۔
تاہم اسے چائنا ایگزم بینک اور چائنا ڈیولپمنٹ بینک کے ساتھ براہ راست معاہدوں کی ضرورت ہے تاکہ بین الاقوامی مالیاتی فنڈ (آئی ایم ایف) کو اپنے غیر ملکی قرضوں کی تنظیم نو میں پیش رفت کا مظاہرہ جاری رکھا جا سکے تاکہ آئی ایم ایف کے 2.9 ارب ڈالر کے بیل آؤٹ پروگرام سے مزید ادائیگیاں حاصل کی جا سکیں۔
شی جن پنگ نے بدھ کے روز گریٹ ہال آف دی پیپل میں اپنے خطاب کے دوران سری لنکا کے صدر کو مخاطب کرتے ہوئے کہا کہ میں آپ کے ساتھ مل کر کام کرنے کو تیار ہوں تاکہ دوطرفہ تعلقات کی ترقی کے لیے ایک نیا وژن تیار کیا جا سکے اور چین اور سری لنکا کی دوستی اور تعاون میں نئی اور بڑی کامیابیوں کو فروغ دیا جا سکے۔