ملائیشیا کے وزیر اعظم داتو سیری انور بن ابراہیم تین روزہ سرکاری دورے پر بدھ کو اسلام آباد پہنچ گئے ہیں۔
وزیراعظم شہباز شریف نے نور خان ایئربیس پر ملائیشین ہم منصب کا استقبال کیا۔
ملائیشین وزیراعظم کے ہمراہ ایک اعلیٰ سطحی وفد بھی ہے جس میں وزراء، نائب وزراء اور سینئر حکام شامل ہیں۔
دورے کے دوران وزیر اعظم انور ابراہیم پاکستانی قیادت سے ملاقاتیں کریں گے۔
فریقین تجارت، رابطے، توانائی، زراعت، حلال انڈسٹری، سیاحت، ثقافتی تبادلوں اور عوامی سطح پر رابطوں سمیت مختلف شعبوں میں پاکستان اور ملائیشیا کے تعلقات کو مزید مستحکم کرنے کے لیے وسیع ایجنڈے پر تبادلہ خیال کریں گے۔
اس موقع پر علاقائی اور عالمی پیش رفت پر بھی تبادلہ خیال کیا جائے گا۔
یہ دورہ دونوں برادر ممالک کے درمیان تعلقات کو مزید مستحکم کرنے کا موقع فراہم کرتا ہے۔