اسٹیٹ بینک آف پاکستان (ایس بی پی) کے زرمبادلہ کے ذخائر میں ہفتہ وار بنیادوں پر 23 ملین ڈالر کا اضافہ ہوا ہے اور یہ 4 اپریل تک ختم ہونے والے کاروباری ہفتے کے اختتام تک 10.70 ارب ڈالر تک پہنچ گئے ہیں۔ اسٹیٹ بینک نے زرمبادلہ کے ذخائر سے متعلق تازہ اعداد و شمار جمعرات کو جاری کیے ہیں۔
ملک کے کل مائع زرمبادلہ کے ذخائر 15.75 ارب ڈالر رہے۔ مرکزی بینک کی جانب سے جاری بیان کے مطابق کمرشل بینکوں کے خالص زرمبادلہ کے ذخائر 5.05 ارب ڈالر رہے۔
مرکزی بینک نے ذخائر میں اضافے کی کوئی وجہ نہیں بتائی۔
اعلامیے کے مطابق 4 اپریل 2025 کو ختم ہونے والے کاروباری ہفتے کے اختتام تک ملک کے مجموعی مائع زرمبادلہ کے ذخائر 15.75 ارب ڈالر رہے۔
یاد رہے کہ گزشتہ ہفتے اسٹیٹ بینک کے زرمبادلہ کے ذخائر 7 کروڑ ڈالر اضافے سے 10 ارب 68 کروڑ ڈالر ہوگئے تھے۔
Comments