سونے کے قیمت میں معمولی کمی

سونے کی قیمتیں تاریخ کی بلند ترین سطح کو چھونے کے بعد جمعرات کو کم ہوگئیں۔

عالمی بلین مارکیٹ میں سونا 9 ڈالر کی کمی سے 2859 ڈالر فی اونس کا ہوگیا۔

بین الاقوامی مارکیٹ میں سونے کے نرخ میں کمی کے باعث مقامی سطح پربھی فی تولہ سونا 900 روپے کی کمی سے 2 لاکھ 98 ہزار 700 روپے کا ہوگیا۔

اسی طرح دس گرام سونا 772 روپے کی کمی سے 2 لاکھ 56 ہزار 87 روپے پر آگیا۔

یاد رہے کہ بدھ کو پاکستان میں سونے کی فی تولہ قیمت 5300 روپے کے نمایاں اضافے سے تاریخ کی بلند ترین سطح 2 لاکھ 99 ہزار 600 روپے پر جاپہنچی تھی ۔

دوسری جانب چاندی کی فی تولہ قیمت 23 روپے کی کمی سے 3 ہزار 327 روپے ہوگئی۔