پی ٹی اے کا وی پی این پر پابندی نہ لگانے کا فیصلہ

پاکستان ٹیلی کمیونیکیشن اتھارٹی (پی ٹی اے) نے ورچوئل پرائیویٹ نیٹ ورکس (وی پی این) پر پابندی نہ لگانے کا فیصلہ کیا ہے۔

پاکستان ٹیلی کمیونیکیشن اتھارٹی کے مقامی چیپٹر ذرائع نے اے پی پی کو بتایا کہ اس سے قبل اتھارٹی نے اپنے صارفین کو خبردار کیا تھا کہ وہ 30 نومبر تک اپنے وی پی این رجسٹر کروائیں جس کے بعد غیر رجسٹرڈ کنکشن بلاک کردیے جائیں گے۔ انہوں نے کہا کہ حکومت نے وی پی این پر پابندی نہ لگانے کا فیصلہ کیا ہے ، کیونکہ وزارت قانون نے کہا ہے کہ حکومت کے پاس الیکٹرانک کرائمز ایکٹ (پی ای سی اے) 2016 کے تحت اس طرح کی پابندی عائد کرنے کا قانونی اختیار نہیں ہے۔

اس سے قبل وزارت داخلہ نے دہشت گردوں کی جانب سے وی پی این کے استعمال اور فحش مواد تک رسائی کے خدشات کا حوالہ دیتے ہوئے پابندی کی درخواست کی تھی۔

تاہم وزارت قانون نے واضح کیا کہ پی ای سی اے مخصوص آن لائن مواد کو بلاک کرنے کی اجازت دیتا ہے۔