غزہ جنگ میں شہدا کی تعداد 41,182 ہوگئی، فلسطینی حکام

حماس کے زیر انتظام غزہ کی وزارت صحت نے ہفتے کے روز کہا ہے کہ غزہ جنگ میں اسرائیلی جارحیت کے نتیجے میں شہید فلسطینیوں کی تعداد 41,182 ہوگئی ہے۔

وزارت صحت کے مطابق مجموعی اموات میں گزشتہ 48 گھنٹوں کے دوران ہونے والی 64 اموات بھی شامل ہیں جبکہ مجموعی طور پر زخمی ہونے والوں کی تعداد 95،280 ہوچکی۔

غزہ میں جنگ 7 اکتوبر کو حماس کے جنوبی اسرائیل پر حملے کے بعد شروع ہوئی تھی جس کے نتیجے میں 1،205 افراد ہلاک ہوئے تھے جن میں زیادہ تر عام شہری تھے۔

فلسطینی گروپ نے حملے کے دوران 251 قیدیوں کو بھی حراست میں لیا جن میں سے 97 اب بھی غزہ میں قید ہیں جبکہ اسرائیلی فوج کے مطابق 33 ہلاک ہو چکے ہیں۔