سونے کی فی تولہ قیمت میں 3600 روپے کی بڑی کمی

عالمی اور مقامی مارکیٹوں میں ہفتے کو سونے کی قیمتوں میں کمی ریکارڈ کی گئی ۔

عالمی بلین مارکیٹ میں سونا 70 ڈالر کی نمایاں کمی سے 2،292 ڈالر فی اونس کا ہوگیا ۔

بین الاقوامی مارکیٹ میں سونے کے نرخ میں کمی کے باعث مقامی سطح پربھی فی تولہ سونا 3600روپے کی بڑی کمی سے 2 لاکھ 39 ہزار 400 روپے کا ہوگیا۔

اسی طرح دس گرام سونا 3086 روپے کمی سے 2 لاکھ 5 ہزار 247 روپے کا ہوگیا ۔

یا د رہے کہ جمعہ کو سونے کی قیمت میں کوئی تبدیلی نہیں ہوئی تھی ۔

دوسری جانب چاندی کی فی تولہ قیمت 50 روپے کی کمی سے 2 ہزار 750 روپے ہوگئی ۔

اپریل میں مقامی صرافہ بازار میں سونے کی فی تولہ قیمت 2 لاکھ 52 ہزار 200 روپے کی بلند ترین سطح پر پہنچ گئی تھی۔