2022 کے سیلاب کی کیس اسٹڈی،ایشیائی ترقیاتی بینک نے موسمیاتی آفات سے خبردار کردیا

ایشیائی ترقیاتی بینک (اے ڈی بی) نے خبردار کیا ہے کہ موسمیاتی تبدیلیوں سے مستقبل میں سیلاب اور دیگر شدید موسمی واقعات کی تعدد اور شدت میں اضافہ متوقع ہے، حکومت پاکستان کو نقصانات کو کم کرنے کے لیے پہلے سے تیار رہنے کی ضرورت ہے۔

بینک نے اپنی تازہ ترین رپورٹ، ”Applying Spatial Analysis To Assess Crop Damage A Case Study Of The Pakistan 2022 Floods“ میں کہا ہے کہ پاکستان شدید سیلاب کا شکار ہے اور موسمیاتی تبدیلیوں کے اثرات کی وجہ سے قدرتی آفات کے بڑھتے ہوئے خطرے کا سامنا ہے۔ایسے میں رئیل ٹائم کارپ ڈیمج اسسمنٹ کی منصوبہ بندی کرنا ضروری ہے،جیسے کہ فوری طور امداد اور بحالی کی کوششوں کے لیے منصوبہ بندی کرنا۔

رپورٹ میں بتایا گیا ہے کہ پاکستان کا شمار ان ممالک میں ہوتا ہے جو موسمیاتی تبدیلیوں کے سب سے زیادہ خطرے سے دوچار ہیں، خاص طور پر شدید موسمی واقعات اور قدرتی خطرات سے — گلوبل کلائمیٹ رسک انڈیکس 2021 نے پاکستان کو دنیا کا آٹھواں سب سے زیادہ غیر محفوظ ملک قرار دیا ہے۔

ملک میں عالمی اوسط سے زیادہ گرمی کا امکان ہے جبکہ 35ºC سے زیادہ درجہ حرارت کے دنوں کی تعداد میں اضافہ ہوسکتا ہے۔ متواتر گرمی کی لہر برف پگھلانے میں تیزی لائے گی، خشک سالی میں اضافہ کرے گی، اور زراعت کے لیے پانی کی دستیابی کو کم کرے گی۔

مون سون کی بارشوں میں تغیرات نے پانی کی دستیابی میں غیر یقینی صورتحال اور غذائی عدم تحفظ کو مزید بڑھا دیا ہے۔

ملک کی نصف سے زیادہ آبادی اپنی روزی روٹی کے لیے بالواسطہ یا بالواسطہ طور پر زراعت پر انحصار کرتی ہے، اور زراعت کی پیداوار آب و ہوا اور موسمی واقعات سے بہت زیادہ متاثر ہے۔ موسمیاتی حدت موجودہ سطح کے مقابلے 2047 تک پانی کی مانگ کو 60 فیصد تک بڑھا دے گی، جس سے فصلوں اور مویشیوں کی پیداواری صلاحیت میں خاطر خواہ کمی واقع ہو گی۔

جون تا اگست 2022 کے دوران موسلا دھار بارشوں سے اچانک سیلاب نے پاکستان میں ایک بے مثال تباہی کو جنم دیا۔

سیلاب کے بعد، حکومت نے اے ڈی بی، یورپی یونین، اقوام متحدہ کی ایجنسیوں اور ورلڈ بینک کے تعاون سے پی ڈی این اے کا انعقاد کیا۔ 17 شعبوں کے قومی اور بین الاقوامی ماہرین نے وفاقی اور صوبائی وزارتوں، محکموں اور ایجنسیوں کے ساتھ مل کر 94 آفت زدہ اضلاع سے ڈیٹا اکٹھا کیا ہے۔ شراکت دار ایجنسیوں نے پی ڈی این اے طریقہ کار کو لاگو کرنے اور صوبائی اور وفاقی ایجنسیوں، وزارتوں اور محکموں سے موصول ہونے والے ڈیٹا کا تجزیہ کرنے میں حکومت کی مدد کی ہے۔

پی ڈی این اے کی رپورٹ میں 2022 کے سیلاب سے ہونے والے مجموعی معاشی نقصان کا تخمینہ 14.9 ارب ڈالر لگایا گیا ہے۔ رپورٹ میں ملک کے زرعی شعبے پر سیلاب کے نمایاں اثرات پر روشنی ڈالی گئی ہے، جو پاکستان کی معیشت میں بڑا حصہ دار ہے۔ رپورٹ میں بتایا گیا ہے کہ سیلاب نے 1.8 ملین ہیکٹر (ہیکٹر) فصلی زمین کو نقصان پہنچایا، جس کے نتیجے میں 3.7 ارب ڈالر کا نقصان ہوا۔

پی ڈی این اے رپورٹ میں ڈیٹا صوبائی کارپ رپورٹنگ سروسز ( سی آر ایسز) کے ذریعے فیلڈ سروے کا استعمال کرتے ہوئے فراہم کیا جاتا ہے۔ چونکہ سی آر ایس ملازمین سیلاب کی حد اور فصلوں کو پہنچنے والے نقصان کے بارے میں صرف محدود معلومات اکٹھا کر سکتے تھے، اس لیے پی ڈی این اے شراکت داروں نے ریموٹ سینسنگ ٹیکنالوجی کا استعمال کرتے ہوئے ڈیٹا کی توثیق کرنے میں مدد کی۔ فصلوں کو پہنچنے والے نقصان کے اعداد و شمار کی توثیق کرنا اہم تھا اور اسے قابل رسائی علاقوں میں زمین پر جمع کیے گئے ڈیٹا کے ساتھ ریموٹ سینسنگ سے حاصل کردہ ڈیٹا کا موازنہ کرکے پورا کیا گیا۔ اے ڈی بی کی ریموٹ سینسنگ ٹیم نے فصلوں کی صحت کی نگرانی کرکے فصلوں کے نقصان کا تخمینہ لگایا۔

بینک نے فصل کی نگرانی کو بڑھانے کے لیے ٹیکنالوجی کے استعمال میں سہولت فراہم کرنے کے لیے کلیدی سفارشات پیش کی ہیں جو درج ذیل ہیں: (i) متعلقہ سرکاری اداروں جیسے کہ فصل کی رپورٹنگ کی خدمات اور شماریات کے دفاتر میں جغرافیائی معلوماتی نظام اور ریموٹ سینسنگ ماہرین کی تعداد میں اضافہ (ii) مقامی تجزیہ کے استعمال کو شماریاتی رپورٹنگ کے نظام میں ان کی درستگی اور بروقت بہتر بنانے کے لیے مربوط کریں۔ مقامی تجزیہ ابتدائی نتائج فراہم کر سکتا ہے جن کی تصدیق فیلڈ مشاہدات سے کی جا سکتی ہے۔ (iii) پالیسی سازوں کو آگاہ کریں اور انہیں مقامی تجزیہ کے نتائج کی تشریح کرنے کے قابل بنائیں تاکہ ان کو زیادہ موثر فیصلے کرنے میں مدد ملے۔ (iv) فصلوں کے نقصان کا جلد پتہ لگانے، فیلڈ کی تیز رفتار تصدیق، مناسب مالی اور مادی وسائل کو متحرک کرنے اور متاثرہ آبادی کے ساتھ موثر رابطے کے لیے پالیسی اقدامات کی منصوبہ بندی کریں۔ مقامی تجزیہ کی تصاویر میڈیا کے ذریعے جاری کی جا سکتی ہیں یا سرکاری ویب سائٹس پر پوسٹ کی جا سکتی ہیں۔

بینک نے ایک اور رپورٹ میں، ”Regional Action on Climate Change: A Vision for the Central Asia Regional Economic Cooperation Program“, میں کہا ہے کہ اے ڈی بی، دیگر ترقیاتی شراکت داروں کے تعاون سے، سی اے آر ای سی خطے میں توانائی کی منتقلی کے طریقہ کار ( ای ٹی ایم) کو اپنانے کے طریقے تلاش کرے گا۔

ای ٹی ایم موجودہ کوئلے سے چلنے والے پاور پلانٹس کی ریٹائرمنٹ کو تیز کرتا ہے اور بجلی کے کوئلے سے چلنے والے پلانٹس اور بجلی، تعمیرات اور صنعتی شعبوں کے اسٹریٹجک ڈیکاربونائزیشن کرتا ہے۔قازقستان اور پاکستان ای ٹی ایم کے لیے موزوں اثاثوں کی اعلیٰ سطحی تشخیص کو حتمی شکل دے رہے ہیں۔

2022-2023 کے سالوں میں خطے میں موسمیاتی تبدیلیوں کی تباہ کن مثالیں دیکھنے میں آئیں، جن میں پاکستان میں تباہ کن سیلاب، افغانستان میں شدید خشک سالی، چین میں سیلاب، تاریخی سطح سے زیادہ گرمی، اور وسطی ایشیا میں پانی کے مسائل شامل ہیں۔

بینک نے مزید کہا کہ یہ رجحانات اور آب و ہوا سے منسلک واقعات طویل مدتی امکان کی یاد دہانی ہیں کہ اگر کاربن کے اخراج کو کنٹرول کرنے اور ممالک کی صلاحیت کو بڑھانے کے لیے اقدامات نہ کیے گئے تو اس سے بھی زیادہ سنگین اثرات مرتب ہوں گے۔

کاپی رائٹ بزنس ریکارڈر، 2024