دوسرا ٹی ٹوئنٹی، معاذ صداقت کی شاندار بیٹنگ، پاکستان نے سری لنکا کو 82 رنز سے شکست دے دی

معاذ صداقت کی شاندار بیٹنگ کی بدولت پاکستان نے سری لنکا کو دوسرے ٹی ٹوئنٹی میچ میں 82 رنز سے شکست دے کر تین میچوں کی سیریز میں 0-2 کی فیصلہ کن برتری حاصل کرلی۔

راولپنڈی میں کھیلے گئے میچ میں سری لنکا نے پاکستان کے خلاف ٹاس جیت کر بولنگ کا فیصلہ کیا۔

میچ میں نوجوان بیٹر معاذ صداقت اپنی پہلی بین الاقوامی سنچری مکمل کرنے سے صرف چار رنز کی دوری پر رہ گئے تاہم ان کی جارحانہ بیٹنگ نے پاکستان کو سری لنکا کے خلاف تاریخی مجموعہ بنانے میں مدد دی۔

پاکستان نے معاذ صادقٹ کے 51 گیندوں پر 96 رنز کی بدولت مقررہ 20 اوورز میں 3 وکٹوں کے نقصان پر 215 رنز بنائے۔ ان کی اننگز میں 6 چوکے اور 7 چھکے شامل تھے۔

یہ پاکستان کا اپنی سرزمین پر ٹی ٹوئنٹی انٹرنیشنل میں اب تک کا سب سے بڑا اسکور ہے۔ مجموعی طور پر یہ پاکستان کا دوسرا بڑا ٹی ٹوئنٹی انٹرنیشنل اسکور بھی ہے۔

معاذ نے کپتان صاحبزادہ فرحان کے ساتھ دوسری وکٹ کے لیے 88 رنز کی شراکت قائم کی۔

دو سو سولہ رنز کے ہدف کے جواب میں سری لنکا کی ٹیم مقررہ 20 اووز میں7 وکٹوں کے نقصان پر 133 رنز بناسکی۔

سیریز کا تیسرا اور آخری میچ کل (منگل) کھیلا جائے گا۔