ٹویوٹا کی فروخت و پیداوار میں کمی، چین اور مشرق وسطیٰ میں بڑی گراوٹ

ٹویوٹا موٹر نے جمعہ کو کہا کہ جولائی میں اس کی عالمی سطح پر گاڑیوں کی فروخت اور پیداوار میں کمی ہوئی جس کی وجہ چین، امریکا اور مشرق وسطیٰ میں فروخت اور پیداوار میں کمی رہی جس نے جاپان میں بہتر کارکردگی کے اثر کو زائل کردیا۔

عالمی سطح پر گاڑیوں کی فروخت گزشتہ سال کے اسی ماہ کے مقابلے میں 4.8 فیصد کمی کے ساتھ 8 لاکھ 56 ہزار 125 گاڑیوں رہی جبکہ پیداوار میں بھی 2.1 فیصد کمی ریکارڈ کی گئی۔

ٹویوٹا نے بتایا کہ چین میں 24.3 فیصد کی نمایاں کمی نے مجموعی فروخت کو متاثر کیا جہاں یہ مسلسل چھٹے ماہ کمی کا شکار رہی۔ پیٹرول کی بلند قیمتوں کے باعث ہائبرڈ اور روایتی انجن والی گاڑیوں کی طلب بھی متاثر ہوئی۔

امریکا میں فروخت 0.8 فیصد کم ہوئی جبکہ مشرق وسطیٰ میں فروخت 44.5 فیصد گر گئی جس کے باعث جاپان میں 11.0 فیصد اضافے کا اثر زائل ہوگیا۔

چین میں پیداوار میں 32.7 فیصد اور امریکا میں 4.0 فیصد کمی نے مجموعی پیداوار کو متاثر کیا تاہم جاپان میں پیداوار 12.4 فیصد بڑھ گئی۔

جاپان سے برآمدات گزشتہ سال کے مقابلے میں 10.2 فیصد اضافے کے ساتھ 1 لاکھ 96 ہزار سے کچھ زائد گاڑیوں تک پہنچ گئیں جو مسلسل تیسرے ماہ اضافے کی نشاندہی کرتی ہے اور اکتوبر کے بعد بلند ترین سطح ہے۔