لکی مروت بازار میں دھماکہ، 7 افراد جاں بحق

خیبر پختونخوا کے ضلع لکی مروت میں ایک بازار میں دھماکے کے نتیجے میں کم از کم سات افراد جاں بحق ہو گئے، جن میں دو پولیس اہلکار اور پانچ عام شہری شامل ہیں۔ یہ بات ایک سینئر پولیس افسر نے منگل کے روز بتائی۔

پولیس کے مطابق دھماکے کے فوراً بعد بڑی تعداد میں اہلکار جائے وقوعہ پر پہنچ گئے اور علاقے کو گھیرے میں لے کر شواہد اکٹھے کرنے کا عمل شروع کر دیا گیا۔

اس سے قبل مارچ میں بھی لکی مروت کے رسول خیل چیک پوسٹ کے قریب پولیس گاڑی کو نشانہ بنایا گیا تھا، جس کے نتیجے میں اسٹیشن ہاؤس آفیسر (ایس ایچ او) سمیت چھ اہلکار شہید جبکہ ایک اہلکار زخمی ہو گیا تھا۔

پولیس حکام کے مطابق ان کی ٹیم معمول کی ڈیوٹی پر چیک پوسٹ کے قریب موجود تھی کہ اسی دوران دھماکہ ہوا۔