پی ایچ ای وی گاڑیاں توانائی بحران کا مؤثر حل بننے لگیں

دنیا بھر میں الیکٹرک گاڑیوں کی مقبولیت کے باوجود پاکستان جیسی ابھرتی ہوئی مارکیٹوں میں پلگ ان ہائبرڈ (پی ایچ ای ویز) ایک عملی حل کے طور پر سامنے آ رہی ہیں۔ یہ تبدیلی ایک ایسے وقت میں آئی ہے جب چین، جاپان اور جرمنی کو پیچھے چھوڑ کر دنیا کا سب سے بڑا کار ایکسپورٹر بن چکا ہے، جس میں الیکٹرک اور ہائبرڈ گاڑیوں کا کلیدی کردار ہے۔

پاکستان میں چارجنگ انفرااسٹرکچر کی کمی اور مہنگے پیٹرول نے صارفین کو ایسی گاڑیوں کی طرف راغب کیا ہے جو ایندھن کی بچت کے ساتھ طویل سفر کی سہولت بھی دیں۔ اعداد و شمار کے مطابق شہری علاقوں میں روایتی پیٹرول گاڑیوں کے مقابلے میں ہائبرڈ آپشنز زیادہ سستے پڑ رہے ہیں۔

مارکیٹ ذرائع کے مطابق ایس یو وی سیگمنٹ میں چیری کے ٹیگو پی ایچ ای وی لائن اپ (ٹیگو 7، 8 اور 9) کو زبردست عوامی پذیرائی ملی ہے۔ ماہرین کا کہنا ہے کہ یہ گاڑیاں روزمرہ استعمال کے لیے بجلی اور طویل سفر کے لیے پیٹرول کا بہترین امتزاج فراہم کرتی ہیں، جو موجودہ حالات میں پاکستانی صارفین کی اہم ضرورت ہے۔

کاپی رائٹ بزنس ریکارڈر 2026