گیراج پاورز کا مقامی کلاؤڈ پر رقمی اسلامک ڈیجیٹل بینک کے آغاز کا اعلان

جاز ورلڈ کے کلاؤڈ اور سائبر سیکیورٹی پلیٹ فارم گیراج نے رقمی اسلامک ڈیجیٹل بینک کے کامیاب آغاز کو ممکن بنا دیا ہے۔ یہ پاکستان کا پہلا مکمل اسلامی ڈیجیٹل ریٹیل بینک ہے جو مکمل طور پر مقامی کلاؤڈ انفرااسٹرکچر پر کام کرے گا۔ یہ سنگ میل گیراج کی اہم مالیاتی نظاموں کی میزبانی کی صلاحیت اور رقمی بینک کے پاکستان میں ڈیجیٹل بینکنگ کو نئے سرے سے متعارف کرانے کے عزم کی عکاسی کرتا ہے۔

کلاؤڈ بیسڈ ادارے کے طور پر رقمی بینک نے اپنا مکمل ٹیکنالوجی اسٹیک بشمول کور بینکنگ اور ڈیجیٹل چینلز، گیراج کے پلیٹ فارم پر منتقل کر دیا ہے۔ آغاز سے ہی مکمل ہوسٹڈ ماڈل اپنا کر بینک نے پرانی رکاوٹیں ختم کر کے ایک توسیع پذیر بنیاد رکھی ہے۔

اس موقع پر جاز ورلڈ کے صدر شہزاد رشید نے کہا کہ یہ شراکت داری پاکستان کے لیے ایک قابل اعتماد اور محفوظ ڈیجیٹل بنیاد بنانے کے عزم کا ثبوت ہے۔ رقمی بینک کے سی ای او عمیر اعجاز نے کہا کہ مقامی کلاؤڈ کے استعمال سے انہیں سیکیورٹی اور ریگولیٹری معیارات برقرار رکھتے ہوئے اختراعات میں تیزی لانے میں مدد ملے گی۔

یہ بینک ٹیر تھری سرٹیفائیڈ انفرااسٹرکچر پر چلے گا، جو بینکنگ آپریشنز کی حفاظت اور تسلسل کو یقینی بناتا ہے۔