بٹ کوائن 60 ہزار ڈالر کے قریب، سرمایہ کار پیچھے ہٹنے لگے

بٹ کوائن جمعہ کے روز 16 ماہ کی کم ترین سطح پر پہنچ گیا اور اہم 60 ہزار ڈالر کے سپورٹ لیول کو ٹیسٹ کیا، کیونکہ عالمی سطح پر ٹیکنالوجی حصص کی فروخت میں شدت نے مختلف اثاثہ کلاسز میں خطرناک سرمایہ کاری کو متاثر کیا۔

دن کے دوران بٹ کوائن میں شدید اتار چڑھاؤ دیکھنے میں آیا اور یہ 60,008.52 ڈالر کی کم ترین سطح سے 64,153.24 ڈالر تک بڑھا، جو 1.64 فیصد اضافے کے ساتھ بند ہوا۔ یہ قیمت اکتوبر 2024 کے بعد سب سے کم تھی، اس وقت امریکی صدر ڈونلڈ ٹرمپ نے صدارتی مہم کے دوران کریپٹو کی حمایت کا عندیہ دیا تھا۔

میلبورن کے بروکریج پیپر اسٹون کے ہیڈ آف ریسرچ کرس ویسٹن کے مطابق، بٹ کوائن اکتوبر 2025 سے نیچے جا رہا ہے، یہ شاید کسی بڑی مارکیٹ خطرے کی نشانی ہو یا محض اتفاق۔ بڑے اور بھری ہوئی پوزیشنز کو بہت تیزی سے ختم کیا جا رہا ہے۔

ایتھر بھی اسی دوران 10 ماہ کی کم ترین سطح 1,751.94 ڈالر تک جا پہنچا، تاہم بعد میں 2.4 فیصد اضافے کے ساتھ 1,891.27 ڈالر پر ٹریڈ ہوا۔

کوائن گیکو کے اعداد و شمار کے مطابق عالمی کرپٹو مارکیٹ نے اکتوبر کے آغاز میں 4.379 ٹریلین ڈالر کی بلند ترین سطح کے بعد تقریباً 2 ٹریلین ڈالر کھو دیے ہیں، جن میں سے پچھلے ایک ماہ میں 1 ٹریلین ڈالر سے زیادہ کا نقصان ہوا۔

اس ہفتے بٹ کوائن کے 16 فیصد کم ہونے کا امکان ہے، جس سے اس سال اب تک کے نقصانات 27 فیصد تک پہنچ جائیں گے۔ ایتھر بھی ہفتہ وار بنیاد پر 17 فیصد کمی کی جانب ہے اور اس سال کے نقصانات 36 فیصد تک جا پہنچے ہیں۔

کریپٹو مارکیٹ کی کارکردگی عالمی اسٹاکس اور قیمتی دھاتوں میں فروخت سے متاثر ہوئی ہے۔ سونا اور چاندی میں لیوریج خریداری اور قیاسی سرمایہ کاری کے اثرات نے بھی مارکیٹ میں اتار چڑھاؤ پیدا کیا ہے۔

ہانگ کانگ ویب3 ایسوسی ایشن کے کو چیئر جوشوا چو کے مطابق بٹ کوائن کا 60 ہزار ڈالر کی جانب واپس جانا کریپٹو کا خاتمہ نہیں بلکہ اُن فنڈز کی قیمت چکانے جیسا ہے جنہوں نے بٹ کوائن کو بغیر حقیقی رسک کنٹرول کے ایک طرفہ اثاثہ سمجھا۔

ڈوئچے بینک کے تجزیہ کاروں کے مطابق امریکی بٹ کوائن اسپات ای ٹی ایفز میں جنوری میں 3 ارب ڈالر سے زائد کے اخراجات ہوئے، جبکہ دسمبر اور نومبر میں بالترتیب 2 ارب ڈالر اور 7 ارب ڈالر کے اخراجات ہوئے تھے۔