BR100 Increased By (0.01%)
BR30 Increased By (0.53%)
KSE100 Increased By (0.28%)
KSE30 Increased By (0.29%)
BAFL 59.77 Increased By ▲ 0.06 (0.1%)
BIPL 24.26 Decreased By ▼ -0.05 (-0.21%)
BOP 31.39 Increased By ▲ 0.16 (0.51%)
CNERGY 11.73 Increased By ▲ 0.14 (1.21%)
DFML 15.69 Decreased By ▼ -0.04 (-0.25%)
DGKC 204.07 Decreased By ▼ -2.30 (-1.11%)
FABL 96.02 Increased By ▲ 0.03 (0.03%)
FCCL 61.71 Increased By ▲ 0.17 (0.28%)
FFL 14.79 Decreased By ▼ -0.23 (-1.53%)
GGL 19.68 Decreased By ▼ -0.01 (-0.05%)
HBL 309.43 Decreased By ▼ -1.22 (-0.39%)
HUBC 204.20 Decreased By ▼ -1.13 (-0.55%)
HUMNL 8.72 Increased By ▲ 0.13 (1.51%)
KEL 6.32 Increased By ▲ 0.06 (0.96%)
LOTCHEM 24.69 Increased By ▲ 0.01 (0.04%)
MLCF 103.93 Decreased By ▼ -0.15 (-0.14%)
OGDC 315.87 Increased By ▲ 2.48 (0.79%)
PAEL 35.58 Decreased By ▼ -0.22 (-0.61%)
PIBTL 13.66 Increased By ▲ 0.19 (1.41%)
PIOC 271.12 Increased By ▲ 0.61 (0.23%)
PPL 226.07 Increased By ▲ 4.26 (1.92%)
PRL 80.28 Increased By ▲ 1.20 (1.52%)
SNGP 93.95 Increased By ▲ 0.27 (0.29%)
SSGC 23.82 Decreased By ▼ -0.05 (-0.21%)
TELE 7.55 Increased By ▲ 0.16 (2.17%)
TPLP 12.99 Increased By ▲ 0.48 (3.84%)
TRG 53.33 Decreased By ▼ -0.11 (-0.21%)
UNITY 8.39 Increased By ▲ 0.05 (0.6%)
WTL 1.38 Increased By ▲ 0.13 (10.4%)
کاروبار اور معیشت

پاکستان کے سلمان حبیب اور حسن چودھری فوربز کی 30 انڈر 30 فہرست میں شامل

دو پاکستانی سلمان حبیب اور حسن چودھری فوربس کی ’30 انڈر 30 امریکہ 2026‘ کی فہرست میں شامل ہیں، جو امریکہ کے روشن اور...
شائع اپ ڈیٹ

دو پاکستانی نوجوان سلمان حبیب اور حسن چوہدری، فوربز کی 30 انڈر 30 امریکہ 2026 کی فہرست میں شامل 600 افراد میں جگہ بنانے میں کامیاب ہوگئے جو امریکہ کے ابھرتے ہوئے اور ذہین ترین انٹرپرینیورز کو اجاگر کرتی ہے۔

سلمان حبیب کو فوربز نے ’ٹرانسپورٹیشن اینڈ ایرواسپیس‘ کی کیٹیگری میں نمایاں کیا۔ وہ برق کے شریک بانی اور سی ای او ہیں، جو کاروباری اداروں کو اپنے بنیادی ڈھانچے میں سرمایہ کاری کیے بغیر ترسیل کی خدمات فراہم کرنے کے قابل بناتی ہے۔

سلمان اور ان کے بڑے بھائی شعبان نے 2021 میں برق کی بنیاد رکھی جس نے امریکہ کے 4 ہزار سے زائد شہروں میں 500 سے زائد فراہم کنندگان، بشمول اوبر اور ڈور ڈیش کو یکجا کرتے ہوئے پورے ملک میں ایک مضبوط ڈلیوری نیٹ ورک قائم کیا۔

کمپنی نے سرمایہ کاروں سے 10 ملین ڈالر سے زائد کی فنڈنگ حاصل کی ہے اور اس کے صارفین میں گروسری کی بڑی کمپنیوں البرٹسنس، سیف وے اور کروگر شامل ہیں۔

سلمان حبیب نے فوربز کی فہرست میں شامل ہونے پر سوشل میڈیا پلیٹ فارم ایکس پر اپنے تاثرات کا اظہار کرتے ہوئے کہا کہ آئندہ کے لیے واقعی پرجوش ہوں اور ان سب کا شکر گزار ہوں جو اب تک اس سفر کا حصہ رہے ہیں۔

دوسری جانب حسن چوہدری کو وینچر کیپٹل کی کیٹیگری میں اعزاز دیا گیا۔ وہ بلیک راک پرائیویٹ ایکویٹی پارٹنرز ٹیم میں نائب صدر کے طور پر خدمات انجام دے رہے ہیں اور سیریز سی سے قبل آئی پی او کے مراحل تک کمپنیوں میں گروتھ ایکویٹی سرمایہ کاری کی قیادت کرتے ہیں۔

پاکستان میں پیدا ہونے والے حسن چوہدری 2023 میں بلیک راک واپس آئے تاکہ اس کے گروتھ ایکویٹی پلیٹ فارم کا آغاز کر سکیں جس کے ذریعے انہوں نے پچھلے دو سال میں 800 ملین ڈالر سے زائد کی سرمایہ کاری کی ہے۔

فوربز کے مطابق حسن کے کیریئر میں 3 اہم سرمایہ کاری کے ایگزٹس شامل ہیں، جن میں گروک (سیریز ڈی کے لیڈ اور بورڈ آبزرور) اور اپلائیڈ انٹیوشن (سیریز ایف کے شریک لیڈ، کلینر پرکنز کے ساتھ) شامل ہیں۔

مزید برآں انہوں نے گلاس ونگ وینچرز II کے ایل پی اے سی میں بھی خدمات انجام دیں جو بوسٹن میں واقع خواتین کی قیادت میں چلنے والا سیڈ اسٹيج مصنوعی ذہانت کا فنڈ ہے۔

فوربز کے مطابق اس فہرست میں مقابلہ 2012 کے آغاز کے وقت کے مقابلے میں کہیں زیادہ سخت ہو چکا ہے۔

ہر سال 10,000 سے زائد لوگ درخواست دیتے ہیں، اور فہرست میں شامل ہونے کا معیار مسلسل بڑھتا جا رہا ہے۔ وسیع تبدیلیوں کے باوجود ایک پیشرو انٹرپرینیور بننے کے بنیادی تقاضے مستقل ہیں: تخیل، ذہانت اور بھرپور حوصلہ۔

رپورٹ میں کہا گیا ہے کہ اس سال کی فہرست میں شامل افراد مصنوعی ذہانت (اے آئی) کے انقلاب کے دوران قیادت کر رہے ہیں۔

نیا طبقہ مشین لرننگ کا استعمال کرتے ہوئے جدید کام کر رہا ہے، چاہے وہ روبوٹک ایسٹرانٹس تیار کرنا ہو یا ایسے طاقتور ٹولز تخلیق کرنا جو کسی بھی شخص کو ماہر کوڈر یا مہارت یافتہ فنکار بنا سکیں۔

Comments

Comments are closed.