بی وائے ڈی کا کراچی میراتھون 2026 کے ساتھ شراکت داری معاہدہ

میگا موٹر کمپنی (ایم ایم سی)، جو پاکستان میں بی وائے ڈی کی آفیشل پارٹنر ہے، نے باضابطہ طور پر کراچی میراتھون 2026 کے ساتھ شراکت داری کا معاہدہ کیا، جو پاکستان کے پہلے عالمی ایتھلیٹکس سے تصدیق شدہ میراتھون کی حمایت کے لیے ایک اسٹریٹجک تعاون کی شروعات ہے۔

معاہدے کی تقریب بی وائے ڈی پاکستان کے کراچی ایکسپیرینس سینٹر میں منعقد ہوئی، جس میں ایم ایم سی، بی وائے ڈی اور کراچی میراتھون کے آرگنائزنگ کمیٹی کی سینئر قیادت نے شرکت کی۔ اس شراکت داری کے تحت، ایم ایم سی برانڈ کی نمائش، کھلاڑیوں کی اسپانسرشپ اور موبلٹی پر مبنی اقدامات کے ذریعے تعاون فراہم کرے گی، جو پاکستان کی عالمی رننگ اور کھیلوں کے نقشے پر شناخت بڑھانے میں مددگار ثابت ہوں گے۔

تقریب میں خطاب کرتے ہوئے، ایم ایم سی کے وائس پریذیڈنٹ سیلز اینڈ اسٹریٹیجی، دانش خالق نے کہا کہ ایم ایم سی میں ہمارا وژن صرف موبلٹی تک محدود نہیں؛ بلکہ یہ پائیدار طرزِ زندگی کو فروغ دینے اور کمیونٹیز کو مضبوط بنانے کے بارے میں ہے۔ بی وائے ڈی کراچی میراتھون کی حمایت اس وژن کے ساتھ مکمل ہم آہنگ ہے۔

کاپی رائٹ بزنس ریکارڈر، 2025